საქართველოს ნაკრების ვიცე-კაპიტანი ინსტაგრამის "სთორიზში" წერს, რომ ლგბტ ადამიანების მიმართ გამოხატულ მხარდაჭერას არ ნანობს და სანამ ერთი გულშემატკივარი მაინც ეყოლება, ნაკრებში ითამაშებს. 

“მე მიყვარს ჩემი ქვეყანა, მე მიყვარს ჩვენი კულტურა. მე ნამდვილად რელიგიური ადამიანი ვარ. ეს ყველაფერი ჩემთვის მნიშვნელოვანია. მე ვარ ყველაზე ამაყი ადამიანი დედამიწაზე. ჩემს გულშემატკივარს, ვინც მხარში მიდგახართ, ბოდიში და ძალიან დიდი მადლობა გვერდში დგომისთვის. მიყვარხართ,” – წერს გურამ კაშია.

საქართველოს ნაკრების ვიცე-კაპიტანმა და ჰოლანდიის "ვიტესის" კაპიტანმა, გურამ კაშიამ თავისი ფეისბუქის გვერდი მის მიმართ ჰომოფობიურად განწყობილი ადამიანების აგრესიის გამო წაშალა. ხოლო ინსტაგრამის საჯარო ანგარიში მხოლოდ გამომწერებისთვის გახადა ხელმისაწვდომი.

LGBT ადამიანების მიმართ გამოხატული მხარდაჭერისთვის UEFA კაშიას თანასწორობის ჯილდოსაც გადასცემს. ჰომოფობების აგრესია კაშიას ამ ნომინაციასაც მოჰყვა. სოციალურ ქსელში აქტიურობდნენ "ქართული მარშის" და სხვა ულტრანაციონალისტური ორგანიზაციების წევრები. მიზანმიმართულ კამპანიაში ჩართული იყო ასევე ღია ფაშისტური ორგანიზაცია " სოციალ-ნაციონალისტების" მხარდამჭერები.

ავტორი: ,

სოციალური ქსელები

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება

ცნობილი ფსიქოთერაპევტ ანატოლი კაშპიროვსკის ცხედარი მოსკოვიდან უკრაინის საზღვრისკენ გადაასვენეს, მას უკრაინაში დაკრძალავდნ