2018-08-27 17:49:13, 1888 ნახვა
საზოგადოება
ზურაბ პატარაძე აზერბაიჯანში საქართველოს ელჩად დაინიშნა
პრეზიდენტის განკარგულების თანახმად, აჭარის ავტონომიური რესპუბლიკის მთავრობის ყოფილი თავმჯდომარე ზურაბ პატარაძე, აზერბაიჯანის რესპუბლიკაში საქართველოს საგანგებო და სრულუფლებიანი ელჩის თანამდებობაზე დაინიშნა.
შესაბამისი განკარგულება პრეზიდენტის ოფიციალურ ვებგვერდზე გამოქვეყნდა.
„დიპლომატიური სამსახურის შესახებ" საქართველოს კანონის მე-6 მუხლის მე-5 პუნქტის საფუძველზე, დაინიშნოს ზურაბ პატარაძე აზერბაიჯანის რესპუბლიკაში საქართველოს საგანგებო და სრულუფლებიანი ელჩის თანამდებობაზე 2018 წლის 29 აგვისტოდან“, - ნათქვამია განკარგულებაში.
შეგახსენებთ, ზურაბ პატარაძემ აჭარის მთავრობის თავმჯდომარის პოსტი 4 ივლისს დატოვა. იგი ამ თანამდებობაზე 2016 წლის 14 ივლისიდან მუშაობდა.
![]()
ავტორი: ,
epn.ge (@expressnews.ge)
