სმიტების ოჯახის მკვლელობაში ბრალდებული, მალხაზ კობაური მცხეთის რაიონულმა სასამართლომ პატიმრობაში დატოვა.

მოსამართლე, ვაჟა ფუხაშვილის გადაწყვეტილებით, საქმის განხილვა დახურულ რეჟიმში მიმდინარეობდა, რადგან გარდაცვლილებს შორის ერთ-ერთი მცირეწლოვანია. მოსამართლემ გადაწყვეტილების მიზეზად საქმეში სქესობრივი დანაშაულის ნიშნებიც დაასახელა.

აღსანიშნავია, რომ დაცვის მხარე დღევანდელ პროცესზე კობაურის გირაოს სანაცვლოდ გათავისუფლებას ითხოვდა. როგორც ადვოკატმა ალექსანდრე კობაიძემ პროცესის დაწყებამდე განაცხადა, ბრალდებული გამოძიებასთან თანამშრომლობს და არ არსებობს საფუძველი, რის გამოც ის პატიმრობაში უნდა იყოს.

შეგახსენებთ, რომ 7 ივლისს დუშეთის მუნიციპალიტეტში, ხადის ხეობაში საქართველოსა და აშშ-ის ორმაგი მოქალაქე ცოლ-ქმარი, 1975 და 1976 წელს დაბადებული რაიან სმითი და მისი მეუღლე ლორა მოკლულები იპოვეს. მოგვიანებით იპოვეს მათი 4 წლის ბავშვის ცხედარიც. მათი მკვლელობის ბრალდებით 19 წლის მწყემსი მალხაზ კობაური დააკავეს. მას 11 ივლისს წინასწარი პატიმრობა შეეფარდა. მწყემსი სასამართლოზე გამოძიებისთვის თავდაპირველად მიცემული ჩვენების ნამდვილობას უარყოფდა და აცხადებდა, რომ სამი ადამიანი არა მან, არამედ ორმა უცხო პირმა მოკლა. 14 აგვისტოს მალხაზ კობაურის ფსიქიკური მდგომარეობის შესახებ ექსპერტიზის პასუხი გახდა ცნობილი. ექსპერტიზის დასკვნის თანახმად, კობაური ჯანმრთელია. ბრალდებულისთვის წარდგენილი ბრალდება სასჯელის სახედ და ზომად თექვსმეტიდან ოც წლამდე, ან უვადო თავისუფლების აღკვეთას ითვალისწინებს.

ავტორი: ,

სოციალური ქსელები

წიგნების ჩალაგება დავიწყე - ვუჩიჩმა მალე გადადგომის შესახებ განაცხადა

ქსირმა პირობა დადო, რომ ახლო აღმოსავლეთს აშშ-სთვის „ჯოჯოხეთად“ გადააქცევს

პაპმა ლეომ ბარსელონას საკათედრო ტაძარში იესო ქრისტეს კოშკი აკურთხა

აშშ-მ ირანი დაბომბა