ვაკის რაიონის გამგეობის ინფრასტრუქტურული პროექტების ფარგლებში, ნუცუბიძის IV მიკრორაიონს ორი ახალი სკვერი შეემატა.

მერიის ინფორმაციით, სამუშაოების ფარგლებში, IV მიკრორაიონის 24-ე და 36-ე კორპუსებთან განთავსდა საბავშვო მოედნები, ფანჩატურები, დაიდგა სკამები და სანაგვე ურნები. 36-ე კორპუსის მიმდებარედ, პროექტის მიხედვით, ასევე, მოეწყო წყარო. ორივე სკვერში გარე განათების ბოძები დამონტაჟდა, დაირგო სხვადასხვა ბუჩქოვანი მცენარეები და ვერცხლისფერი ნაძვები.

ახალ სკვერებში ადგილობრივ მცხოვრებლებს ვაკის რაიონის გამგებელი ნოდარ ტურძელაძე შეხვდა.

„ვაკის რაიონს კიდევ ორი კეთილმოწყობილი დასასვენებელი სივრცე შეემატა, რაც სასიხარულოა ჩვენთვისაც და ადგილობრივი მცხოვრებლებისთვისაც. 36-ე კორპუსთან სრულიად ახალი სკვერი მოეწყო, ეს ტერიტორია შემოიღობა, განათდა, გამწვანდა, სკვერში განთავსდა ფანჩატური, საბავშვო მოედანი, წყარო და სხვა ინფრასტრუქტურა. მნიშვნელოვანია, რომ სკვერით არა მარტო ამ კორპუსის, არამედ მიმდებარე კორპუსების მოსახლეობაც ისარგებლებს. რაც შეეხება მეორე სკვერს, რომელიც 24-ე კორპუსთან მოეწყო, ჩვენ განვაახლეთ ტერიტორიაზე არსებული ამფითეატრი, აქ განთავსდა საბავშვო სივრცე, დაიდგა სკამები, დაირგო ბუჩქოვანი მცენარეები და ვერცხლისფერი ნაძვები. ორივე სკვერი, რომელიც ადგილობრივებთან შეთანხმებით და კონსულტაციებით ეწყობოდა, ძალიან ლამაზი გამოვიდა“, - განაცხადა ნოდარ ტურძელაძემ.

ვაკის რაიონში წლის ბოლომდე შიდა ეზოებში არსებული კიდევ 15 სკვერის რეაბილიტაცია და კეთილმოწყობაა დაგეგმილი.

(NS)

ავტორი: ,

სოციალური ქსელები

ცნობილი ფსიქოთერაპევტ ანატოლი კაშპიროვსკის ცხედარი მოსკოვიდან უკრაინის საზღვრისკენ გადაასვენეს, მას უკრაინაში დაკრძალავდნ

ზახაროვა პრორუსი პროპაგანდისტების სანქცირებას დიდი ბრიტანეთის მხრიდან - ეს არის საშინელი ფარისევლობა ბრიტანეთის ხელისუფლების მხრიდან

საქართველოს ბანკის ბიზნეს მენეჯერი განახლდა — ბიზნესის მართვა კიდევ უფრო მარტივია

ზელენსკიმ და დიდი ბრიტანეთის საგარეო მინისტრმა პრილუკიში რუსული სარაკეტო დარტყმის ადგილი მოინახულეს