ირაკლი კობახიძეს პრეზიდენტის ადმინისტრაციაში უზენაესი სასამართლოს თავმჯდომარის კანდიდატურის დასახელებასთან დაკავშირებით დაწყებულ კონსულტაციებზე, პესიმისტური მოლოდინი გააჩნია. ამასთან, პარლამენტის თავმჯდომარე ამბობს, რომ გიორგი მარგველაშვილი სასამართლოში საპასუხისმგებლო თანამდებობებზე თავის თანამშრომლებს ნიშნავდა. „რაც შეეხება ჩვენს მოლოდინებს, არის გარკვეული პესიმიზმი ჩვენს მოლოდინებში, რაც გამომდინარეობს იმ წარსულიდან, რომელიც არის დაკავშირებული პრეზიდენტის მიერ მოსამართლების განმწესებაში მონაწილეობასთან. როგორც მოგეხსენებათ, ის, რეგულარულად, თავის თანამშრომლებს ნიშნავდა ხოლმე საპასუხისმგებლო თანამდებობებზე სასამართლოში, რაც არ იძლევა ბუნებრივია, ოპტიმიზმის საფუძველს. ამას ჰქონდა თავისი, ძალიან მკაფიო ლოგიკური ახსნა. მას ჰქონდა თავის სუბიექტური ინტერესები და ხელმძღვანელობდა სუბიექტური ინტერესებით. სხვანაირად, ვერ აიხსნება, ბუნებრივია, თანამშრომლების გაგზავნა სასამართლო სისტემაში“, - განაცხადა ირაკლი კობახიძემ. შეგახსენებთ, რომ უზენაესი სასამართლოს თავმჯდომარე ნინო გვენეტაძემ თანამდებობა ვადაზე ადრე დატოვა. პრეზიდენტი კი უზენაესი სასამართლოს თავმჯდომარის შესარჩევად პროფესიულ და პოლიტიკურ წრეებთან კონსულტაციებს მართავს.

ავტორი: ,

სოციალური ქსელები

გერმანიის ელჩი - ქართველები რუსული შეჭრის ტკივილს ღრმად იცნობენ, მაშინ როდესაც მათი ტერიტორიის 20% ოკუპირებულია

დუბაის პრინცმა ინდოელი flydubai-ს პილოტი, კაპიტანი სმიტ მაჩჰარი საავადმყოფოში მოინახულა

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party