ივანიშვილის წარმომადგენელმა, ირაკლი კირცხალიამ რუსთავის №6 პენიტენციურ დაწესებულებაში მყოფი მსჯავრდებულის, გიორგი დავითაძის და მისი ოჯახის წევრების განცხადებებს "ძალიან უსუსური კამპნაია" უწოდა. მისი აზრით, იმ ფაქტის, რომელიც ჩვეულებრივი პროცედურაა პენიტენციურ სამსახურში, ახლა ამოწევა და "მტკნარ სიცრუეზე" პოლიტიკური დღის წესრიგის აგების მცდელობა ღიმილის მომგვრელია.

"ძალიან უსუსური კამპანიაა… მსგავს წამებაზე ვინ საუბრობს პენიტენციურ სისტემაში? წამების, ღირსების აყრის, გაუპატიურების ავტორები და შემოქმედები ჩვენს ქვეყანაში. ესენი საუბრობენ და მერე რაღაც 1 წლის წინ მომხდარი ფაქტი, თუ არ ვცდები, რომელიც ჩვეულებრივი პროცედურაა პენიტენციურ სამსახურში, ამის ახლა ამოწევა… რა დონეზე განულებულები არიან და რა დონეზე დღის წესრიგი არ აქვთ, რომ ისევ და ისევ იმდენად მტკნარ სიცრუეზე ფიქრობენ, რომ ააგონ რაღაც პოლიტიკური დღის წესრიგი, უბრალოდ ღიმილის მომგვრელია.

ღიმილის მომგვრელია ერთია და შემდეგ მართლაც შემაშფოთებელია და ამაზრზენია, როდესაც ამას ისმენ, აი, ამ სიცრუეს ისმენ წამების, გაუპატიურებისა და ყველანაირი ღირსების ამყრელი მოქმედების ავტორებისგან, ე.წ. ნაცმოძრაობისგან. ვერავინ ვერ იტყვის, რომ ის არასამთავრობო ორგანიზაციები ეგრედწოდებული თუ ე.წ. პარტიები, რომლებიც ცდილობენ, რომ აი, ასეთი სისულელეებით, პირდაპირი მნიშვნელობით, პირველ რიგში, რეპუტაცია შეულახონ პენიტენციურ სისტემას, პენიტენციურ სისტემას, რომელიც, როგორ გითხრათ, განსაკუთრებით 2012 წლის შემდეგ უმაღლეს შეფასებებს იმსახურებს. […]

უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები, რა თქმა უნდა, ისინი ყველაფერს ამას უტევენ. ეს არ არის პირველი და უკანასკნელი შეტევა პენიტენციურ სამსახურზე. […] აბსოლუტურად ყველა შეტევა შემდეგ ქარწყლდება მყისიერი განცხადებით, ვიდეოკადრით, მტკიცებულებებით თუ ა.შ." - განაცხადა ირაკლი კირცხალიამ.

რუსთავის N6 პენიტენციური დაწესებულების პატიმარმა, გიორგი დავითაძემ სააპელაციო სასამართლოში გამართულ პროცესზე თქვა, რომ ბადრაგებმა გააუპატიურეს.

"დეესკალაციაში ჩამიყვანეს და გამაუპატიურეს - თითით, ხელით. ამას ვამბობ ჩემი ოჯახის თანდასწრებით. ბატონო მოსამართლევ, ჩანს, როგორ აკეთებს ამ მოძრაობას ჩემს საჯდომთან - ამ დროს მატყუებს, რომ თითქოს, შარვალი აქვს ჩახდილი, მაგრამ თითი აქვს შეყოფილი. ამაზე მეტი კაცს რა უნდა გაგიკეთონ. გამაუპატიურეს, 10-მა კაცმა, ბადრაგებმა. კამერაში ეს ყველაფერი ჩანს. კამერების ქვეშ აკეთებენ ყველაფერს, სპეციალურად ისე დგანან, რომ არ გამოჩნდნენ, მაგრამ მაინც ვერ ფარავენ.

ექსპერტიზების მოთხოვნის შემდეგ, ჩემზე იცით როგორი ძალადობა დაიწყო, ვერ წარმოგიდენიათ [...] სუიციდის მცდელობა მქონდა, იმიტომ რომ როგორია, გაგაუპატიურონ და ყოველდღე ისევ იმ ბადრაგებს უყურო". - ამბობს პატიმარი

პატიმარ გიორგი დავითაძის ოჯახი აცხადებს, რომ რუსთავის ციხეში დაკავებულს ბადრაგებმა სცემეს და მასზე ფიზიკური და ფსიქოლოგიური ძალადობა სისტემატურად ხორციელდება. გიორგი დავითაძე, საკრებულოს ყოფილი წევრი, ავთანდილ დავითაძის შვილია

 ოჯახის ინფორმაციით, ინციდენტი დეკემბერში მოხდა, რა დროსაც ბადრაგის 9 თანამშრომელმა პატიმარი დეესკალაციის ოთახში ჩაიყვანა და მასზე იძალადა. გიორგის დედა, ირმა დავითაძე ამბობს, რომ ძალადობა პოლიციის მოქმედი თანამშრომლის დავალებით ხდება, რომელსაც გიორგი დავითაძის სისხლის სამართლის საქმეში დაზარალებულის სტატუსი აქვს, და მოითხოვს მის სასწრაფო გადაყვანას სხვა დაწესებულებიდან

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

დუბაის პრინცმა ინდოელი flydubai-ს პილოტი, კაპიტანი სმიტ მაჩჰარი საავადმყოფოში მოინახულა

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია