პარლამენტის დამოუკიდებელმა დეპუტატმა სალომე ზურაბიშვილმა საპრეზიდენტო არჩევნებზე საკუთარი კანდიდატურა წარადგინა. ამის შესახებ პოლიტიკოსმა საგანგებო ბრიფინგზე განაცხადა. 

როგორც ზურაბიშვილმა განმარტა, აღნიშნულ საკითხზე ის დიდი ხნის განმავლობაში ფიქრობდა და საბოლოო გადაწყვეტილება ცოტა ხნის წინ მიიღო. 

„ვაყენებ ჩემს კანდიდატურას ოფიციალურად პრეზიდენტობაზე. ეს არის ჩემი გადაწყვეტილება. ეს არის გადაწყვეტილება, რომელზეც ბევრი ვიფიქრე და გადაწყვეტილების მიღება არ მომხდარა ერთ დღეში იმიტომ, რომ ეს არის ძალიან დიდი პასუხისმგებლობა. რაც არ უნდა ადამიანი ფიქრობდეს ამაზე და 2013 წელსაც ვფიქრობდი ამაზე, გადაწყვეტილებამდე მისვლა საკმაოდ მძიმეა“, - განაცხადა სალომე ზურაბიშვილმა. 

ზურაბიშვილის განცხადებით, მისი მთავარი მიზანი იქნება ქვეყნის გაერთიანება, მათ შორის, საზოგადოების გაერთიანებაც.

„არ უნდა ვიყოთ ყველაფერზე მუდმივად და ყოველდღიურად დაყოფილი. არ შეიძლება. პატარა ქვეყანას სჭირდება მეტი სოლიდარობა, მთავარ თემებზე გაერთიანება და, თუ არა, ხეირობს მხოლოდ ერთი - მტერი. ამაზე ყველამ უნდა ვიმუშაოთ, ეს ჩვენი საერთო მოვალეობაა. მეორე გაერთიანების ასპექტი არის ეს პარტიები. პარტიები საერთოდ დამთავრდა მსოფლიოში, თუ გადავხედავთ და ჩვენ ყველაფერში ვართ ცოტა გვიან“, - განაცხადა სალომე ზურაბიშვილმა.  

მისივე თქმით, ქალი პრეზიდენტი გარკვეულ საკითხებს უკეთესად გაუმკლავდება. 

ავტორი: ,

სოციალური ქსელები

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს