საქართველოსა და ნიდერლანდების სამეფოს შორის სავაჭრო-ეკონომიკურ სფეროში ორმხრივი პარტნიორობის საკითხები განიხილეს ფინანსთა მინისტრმა, ივანე მაჭავარიანმა და ნიდერლანდების სამეფოს საგანგებო და სრულუფლებიანმა ელჩმა საქართველოში იოჰანეს დუმამ დღეს ფინანსთა სამინისტროში გამართულ შეხვედრაზე. 

როგორც ფინანსთა მინისტრმა აღნიშნა, საქართველო აფასებს ნიდერლანდების სამეფოს იმ პოლიტიკურ მხარდაჭერას, რასაც ნიდერლანდების სამეფო ორმხრივ, თუ საერთაშორისო ფორმატებში გამოხატავს.

მხარეებმა კმაყოფილება გამოთქვეს იმ პოზიტიური დინამიკით, რომელიც ორ ქვეყანას შორის ვითარდება ისეთ სფეროებში, როგორიცაა: საჯარო ფინანსების მართვა, საფინანსო სექტორი, გარემოს დაცვა, სოფლის მეურნეობა, ინფრასტრუქტურა.

შეხვედრაზე ფინანსთა მინისტრმა, ასევე, ხაზი გაუსვა ადამიანური რესურსების პოტენციალის გაუმჯობესების, საგადასახადო ადმინისტრირების სრულყოფის, სახელმწიფოს შიდა ფინანსური კონტროლის საკითხებში ფინანსთა სამინისტროსთვის გაწეული დახმარების მნიშვნელობას.

როგორც ნიდერლანდების სამეფოს საგანგებო და სრულუფლებიანმა ელჩმა აღნიშნა, ნიდერლანდების მთავრობა მომავალშიც აქტიურად გააგრძელებს საქართველოს მთავრობის მხარდაჭერას ქვეყნისთვის პრიორიტეტული სფეროების დასაფინანსებლად.

მხარეებმა იმედი გამოთქვეს, რომ  ორ ქვეყანას შორის პარტნიორობა კვლავ გაგრძელდება და კიდევ უფრო გაღრმავდება.

(NS)

ავტორი: ,

სოციალური ქსელები

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს