„რამდენიმე თვის წინ ყველამ ერთად მოვისმინეთ, როცა ნინი გვენეტაძე იუსტიციის საბჭოში არსებულ დისკომფორტზე და მის მიმართ ზეწოლაზე საუბრობდა. თუმცა, არ მგონია, რომ ეს მიზეზი გამხდარიყო“, - ამის შესახებ ჟურნალისტებს, საქართველოს მთავრობის ადმინისტრაციის რეგიონული განვითარების სამსახურის უფროსმა, სოზარ სუბარმა განუცხადა.
სოზარ სუბარის თქმით, მისთვის ნინო გვენეტაძის გადაწყვეტილება ძალიან მოულოდნელი იყო. 
მან ასევე აღნიშნა, რომ გვენეტაძემ გადადგომის მიზეზად ჯანმრთელობის მდგომარეობა დაასახელა და მისი აზრით, ეს სავარაუდოდ ასეა.
„ტაძარში თქვენთან ერთად ვიდექი, როდესაც ეს ინფორმაცია გავიგე. არც გამიგია, რომ მას როდესმე მსგავსი გადაწყვეტილების სურვილი ჰქონდა. მე რაც წავიკითხე, მან განაცხადა, რომ ეს ჯანმრთელობის გამოა. სავარაუდოდ ალბათ ასეა. ნამდვილად არ მაქვს სხვა ინფორმაცია, რამე სხვა მიზეზი ხომ არ არსებობს. რამდენიმე თვის წინ ყველამ ერთად მოვისმინეთ, როცა ის იუსტიციის საბჭოში არსებულ დისკომფორტზე და მის მიმართ ზეწოლაზე საუბრობდა. თუმცა, არ მგონია, რომ ეს მიზეზი გამხდარიყო. რადგან მან თქვა, რომ ჯანმრთელობის მიზეზია, ალბათ ეს უნდა ვივარაუდოთ, წინააღმდეგ შემთხვევაში, დარწმუნებული ვარ, ის სხვა მიზეზის დასახელებას არ მოერიდებოდა“, – აღნიშნა სოზარ სუბარმა.
შეგახსენებთ, რომ უზენაესი სასამართლოსა და იუსტიციის უმაღლესი საბჭოს თავმჯდომარე ნინო გვენეტაძე დაკავებულ თანამდებობას ტოვებს. ნინო გვენეტაძე გადადგომის მიზეზად ჯანმრთელობის მდგომარეობას და საზღვარგარეთ რამდენიმეთვიანი მკურნალობის საჭიროებას ასახელებს.

ავტორი: ,

სოციალური ქსელები

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს