თბილისის საკრებულოს დღევანდელ სხდომაზე დეპუტატები ერთ-ერთ საკითხად დედაქალაქის ბიუჯეტში შესატან ცვლილებებს განიხილავენ.

საკრებულოს დეპუტატებმა ბიუჯეტის 10 მილიონით გაზრდას უნდა უყარონ კენჭი. როგორც თბილისის საკრებულოს ფრაქცია "ქართული ოცნება - დემოკრატიული საქართველოს" თავმჯდომარე ბექა დავითლიანმა განაცხადა, უმრავლესობა საბიუჯეტო ცვლილებას მხარს დაუჭერს.

„ტრადიციული შენიშვნები აქვთ, იმიტომ, რომ ოპოზიციაა და შენიშვნები უნდა ჰქონდეთ. ჩვენ გვაქვს მთავარი პოზიტივი ის, რომ თბილისის ბიუჯეტი პირველივე წელს 800 მილიონიდან 917 მილიონ ლარამდე გავზარდეთ უკვე და ამ გაზრდილი ბიუჯეტი ფარგლებში ვზრდით შესაბამისად, ხარჯებსაც“, - განაცხადა ბექა დავითულიანმა.

საბიუჯეტო ცვლილებებს საკრებულოს ოპოზიცია ეწინააღმდეგება. საკრებულოს ფრაქცია ”ერთიანი ნაციონალური მოძრაობის” წევრის, ლევან ხაბეიშვილის შეფასებით, აღნიშნული ცვლილებები ფულის უყაირათ ხარჯვას გამოიწვევს.

„ძალიან ლეგიტიმური შეკითხვები გვაქვს. მაშინ, როცა უამრავი პრობლემა არის დედაქალაქში, როგორ შეიძლება რეკლამას ნახევარი მილიონი დაუმატოთ, მერიის ადმინისტრაციას 1 მილიონი დავუმატოთ. ტაშ-ფანდურში ნახევარი მილიონი დავხარჯოთ და ამასობაში თანხა მოვაკლოთ ლიფტების, სახურავების, ჟოლაბების შეკეთებას, მართლა იმას, რაც თბილისელებს სჭირდება და არ დაგვავიწყდეს, ეს მიმართულება მცირდება 6 მილიონი ლარით“, - განაცხადა ხაბეიშვილმა.

ავტორი: ,

სოციალური ქსელები

თიბისის მხარდაჭერით საქართველოში პირველი საერთაშორისო AI კონფერენცია Crossroad AI გაიმართა

სექტემბერში ავტოტრანსპორტის გამონაბოლქვის დადგენილ ნორმებთან შეუსაბამობის 751 ფაქტი დაფიქსირდა

თბილისის მერია შსს-თან ერთად, გზაჯვარედინებზე ე.წ. Yellow box-ის დანერგვაზე მუშაობა დაავალა

„თეგეტა ჰოლდინგმა“ და GAIA-მ საქართველოში AI წიგნიერების პირველი ეროვნული სასკოლო პროგრამა დაიწყეს