თბილისში, 17 წლის მოზარდის დაჭრის შესახებ დამატებითი დეტალები ხდება ცნობილი.

მოზარდი პოლიტკოვსკაიას ქუჩაზე, N140 სამგზავრო ავტობუსში დაჭრეს.

როგორც მძღოლი აცხადებს, მას მოზარდის დაჭრამდე ავტობუსში განსაკუთრებული ხმაური არ გაუგია.

„მე-12 კლასელია. დანა დაარტყეს უკანა კარებთან, დანახვით არაფერი დამინახავს. ამის შემდეგ ჩამოიყვანეს, სკამზე დააწვინეს, სასწრაფო მოვიდა და წაიყვანა. შეიძლება ხმამაღალი ლაპარაკი იყო, თუმცა განსაკუთრებული არაფერი გამიგია“, - განაცხადა მძღოლმა.

მომხდარის გამო, ავტობუსში საგამოძიებო მოქმედებები ამ დრომდე მიმდინარეობს. სამართალდამცველებმა დანა შემთხვევის ადგილიდან რამდენიმე მეტრში იპოვეს. ასევე ამოღებულია ავტობუსში არსებული უსაფრთხოების კამერის ჩანაწერი.

დაჭრილი სასწრაფო-სამედიცინო დახმარების ეკიპაჟმა საავადმყოფოში გადაიყვანა, სადაც მას გადაუდებელი ოპერაცია ჩაუტარდა. ექიმების თქმით, პაციენტის  მდგომარეობა მძიმეა და  ის რეანიმაციულ განყოფილებაში რჩება.

როგორც „ექსპრესნიუსს“ შინაგან საქმეთა სამინისტროში განუცხადეს, მომხდართან დაკავშირებით გამოძიება 19-108-ე მუხლით მიმდინარეობს რაც განძრახ  მკვლელობის მცდელობას გულისხმობს და 7-დან 15 წლამდე პატიმრობას ითვალისწინებს.

ავტორი: ,

სოციალური ქსელები

პუტინის სპეციალური წარმომადგენელი უკრაინასთან დაკავშირებული მოლაპარაკებებისთვის თითქმის ერთი წლის შემდეგ პირველად აშშ-ში ჩავიდა

რეჟიმის წარმომადგენელი პაპუაშვილი გორში ფესტივალის გაუქმების დაგმობის გამო, ევროკავშირს თავს ლუქსემბურგიდან ესხმის

პაპუაშვილი – ე.წ. უწყვეტი პროტესტი მიმართულია იქითკენ, თავის თავს რაღაცნაირად დააჯერონ, რომ არსებობენ

ევროკავშირი სინანულს გამოთქვამს უსაფრთხოების მიზეზით გორში ფესტივალ კამარას გადადების გამო