სასჯელაღსრულებისა და პრობაციის მინისტრმა კახა კახიშილმა N7 განსაკუთრებული რისკის პენიტენციური დაწესებულება დახურა.

დაწესებულების დახურვის ცერემონიას არასამთავრობო ორგანიზაციებისა და მედიის წარმომადგენლები დაესწრნენ.

N7 დაწესებულების დახურვა სასჯელაღსრულების მინისტრმა პარლამენტში გამოსვლისას დააანონსა.

ძველი დაწესებულების დახურვის პარალელურად ახალი N7 პენიტენციური დაწესებულება მიმდინარე წლის 25 ივნისს გაიხსნა.

სამინისტროს ცნობით, მაღალი რისკის დაწესებულება 29 მსჯავრდებულზეა გათვლილი და ევროპულ სტანდარტებს შეესაბამება.

ახალ პენიტენციურ დაწესებულებაში გამოყოფილია სპეციალური სივრცე გრძელვადიანი პაემნებისთვის, რომლებიც აღჭურვილია საჭირო ავეჯით, ტექნიკით, გაგრილებისა და გათბობის სისტემით. დაწესებულებაში განთავსებულია ადვოკატთან შეხვედრის ოთახი. საცხოვრებელ სივრცეში მოწყობილია სამზარეულო, სველი წერტილი და საძინებელი.

თანამედროვე სტანდარტების შესაბამისი დაწესებულების მოწყობა სასჯელაღსრულებისა და პრობაციის სამინისტროს ბიუჯეტიდან დაფინანსდა. ახალგახსნილი დაწესებულება უკვე დაათვალიერეს არასამთავრობო ორგანიზაციების წარმომადგენლებმა, უფლებადამცველებმა და აღნიშნეს, რომ ახალ N7 მაღალი რისკის პენიტენციურ დაწესებულებაში მსჯავრდებულებს ცივილიზებულ, ევროპული სტანდარტების შესაბამის გარემოში მოუწევთ სასჯელის მოხდა.       

(NS)

ავტორი: ,

სოციალური ქსელები

არაგვზე ხიდის მშენებლობის გამო, სად შეიზღუდება წყალმომარაგება 36 საათით - GWP-ს განცხადება

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები