„ქუჩის ბიჭების“ წევრი ირაკლი ნოზაძე დაჭრეს - თავდამსხმელები, სავარაუდოდ ქალები არიან

2018-06-26 09:56:15, 906 ნახვა

სამართალი

თბილისში, წერეთლის გამზირზე ჯგუფი „ქუჩის ბიჭების“ წევრი პიკასო, იგივე ირაკლი ნოზაძე დაჭრეს.

მომღერალს ჭრილობები ცივი იარაღით ყელის არეში მიაყენეს, რის შემდეგაც ის ღუდუშაურის სახელობის კლინიკაში გადაიყვანეს.

შინაგან საქმეთა სამინისტროს ინფორმაციით, მომხდარზე გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.

თვითმხილველების თქმით, ნოზაძე სავარაუდოდ ორმა ქალმა დაჭრა.

„დავინახე, რომ უყვიროდნენ ჩამოდი პიკასოო, უხამსი სიტყვებით და მერე დავინახე რომ ჩამოვიდა და ჩაჯდა მანქანაში. რაღაც წამებში გადმოხტა და აქეთ გამოიქცა სისხლად ვიცლები მიშველეთო და მერე სასწრაფოში დავრეკე. მანქანით ორი გოგონა ელოდებოდა,“-აცახდებს ერთ-ერთი თვითმხილველი.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები