დღეს, ტერორიზმის საქმეზე დაქტილოსკოპიური ექსპერტები გამოიკითხნენ.

მოწმეებმა იმ დასკვნაზე ისაუბრეს, რომლის მიხედვითაც მაჩალიკაშვილების ოჯახში ამოღებულ ხელყუმბარაზე თემირლან მაჩალიკაშვილის დეენემი და სისხლის კვალი იქნა აღმოჩენილი.

მაჩალიკაშილების ადვოკატის, მარიამ კუბლაშვილის თქმით, სპეცოპერაციის დროს ამოღებულ ხელყუმბარაზე თემირლანის სისხლი იყო, თუმცა მცირე რაოდენობით, ყუმბარა კი მოშორებით არასაბრძოლო  მდგომარეობაში იყო, რაც გარკვეულ ეჭვებს ბადებს.

 „დაქტილოსკოპიური ექსპერტიზის ჩამტარებელმა ექპერტმა განაცხადა და დაადასტურა რომ არც ფალიაზე და არც ხელყუმბარაზე არ აღმოჩენილა თითის ანაბეჭდის კვალი. იმაზე კითხვა ვერავინ გამცა პასუხი, რატომ იყო ეს ხელყუმბარა ოთახის ბოლოში, როგორ შეიძლებოდა ეს ხელყუმბარა აღმოჩენილიყო მანდ“, - აღნიშნა კუბლაშვილმა.

შეგახსენებთ, რომ 2017 წლის 26 დეკემბერს პანკისის ხეობაში ჩატარებული სპეცოპერაციის დროს 19 წლის თემირლან მაჩალიკაშვილი თავის არეში დაიჭრა. როგორც სუს-ში განაცხადეს, მაჩალიკაშვილს ხელყუმბარის მოქმედებაში მოყვანა უნდოდა და მის მიმართ გასროლა სწორედ ამიტომ განხორციელდა. დაშავებული თავდაპირველად თელავის რეფერალურ საავადმყოფოში, ხოლო მოგვიანებით წმინდა მიქაელ მთავარანგელოზის კლინიკაში გადაიყვანეს. თემირლან მაჩალიკაშვილი ორი კვირის განმავლობაში უგონო მდგომარეობაში იმყოფებოდა. ჯანდაცვის სამინისტრო ევროპისა და თურქეთის რამდენიმე კლინიკასთან მოლაპარაკებებს აწარმოებდა და საბოლოოდ მაჩალიკაშვილის თურქეთის "კოჩის" კლინიკაში გადაყვანა გადაწყდა, თუმცა, 10 იანვარს იგი გარდაიცვალა.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს