„კარავი კი არა, ფეხქვეშ მიწაც რომ გამოგვაცალონ, მაინც აქ ვიდგებით, სანამ ჩვენი მოთხოვნები არ შესრულდება“, - ასე გამოეხმაურა პანკისის სპეცოპერაციის დროს მოკლული თემირლან მაჩალიკაშვილის მამა მალხაზ მაჩალიკაშვილის რუსთაველის გამზირზე განვითარებულ მოვლენებს.

როგორც მან აღნიშნა, ძალოვანი უწყებები ცდილობენ, რომ აქცია დაშალონ.

„მე და ჩემი მეუღლე გუშინდლიდან აქ ვართ. რაც შეეხება აქ მიმდინარე მოვლენებს, ეს არის იმის მცდელობა, რომ ეს უსასტიკესი დანაშაული ჩაფარცხონ, იყენებენ ყველა რესურსს. აქციები გაგრძელდება სანამ ჩემი და სარალიძის მოთხოვნები არ იქნება სისრულეში მოყვანილი. ეს კარვები რომ წაიღეს არაფერია, ჩვენ არ გვჭირდება კარვები. აქ ვიდგებით, ფეხქვეშ მიწას ხომ არ წაიღებენ, თუ იმასაც წაიღებენ მიწის ქვეშიდანაც დავიწყებთ ყვირილს. ჩვენ აქ ვიქნებით სანამ ჩვენი მოთხოვნები არ დაკმაყოფილდება“, - განაცხადა თემირლან მაჩალიკაშვილმა.

შეგახსენებთ, პოლიციამ დღეს რუსთაველის გამზირზე, საავტომობილო გზაზე განლაგებული კარვები აიღო და თავდაპირველად პარლამენტთან გადაიტანა. მოგვიანებით სამართალდამცველებმა კარვები დაშალეს და ტერიტორიიდან სატვირთო ავტომანქანით გაიტანეს. ადგილზე ამ დროისთვის სამართალდამცველების დიდი რაოდენობაა მობილიზებული. პარლამენტის ეზოში სპეცრაზმი იმყოფება, ხოლო სუს-ის ადმინისტრაციულ შენობაში, რომელიც პარლამენტიდან რამდენიმე ათეულ მეტრში მდებარეობს, წყლის ჭავლის მანქანები დგას.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს