შინაგან საქმეთა მინისტრი გიორგი გახარია კახეთში მომხდარი ავარიის ადგილზე მივიდა და საგამოძიებო მოქმედებებს პირადად გაეცნო.

ამასთან, მინისტრმა თელავის რეფერალურ საავამდყოფოში ავარიის შედეგად დაშავებულები მოინახულა და მათი მდგომარეობის შესახებ ინფორმაცია ექიმებისგან მიიღო.

შეგახსენებთ, გომბორის უღელტეხილზე მიკროავტობუსი, რომლითაც მე-6 კლასის მოსწავლეები თბილისიდან ექსკურსიაზე მიყავდათ, ხევში გადავარდა. მომხდარის შედეგად 4 ადამიანი დაიღუპა, მათ შორის 1 არასრულწლოვანი. რაც შეეხება დაშავებულებს, სხეულის სხვადასხვა დაზიანებებით 21 პირი თელავის რეფერალურ საავადმყოფოში მიიყვანეს, მოგვიანებით კი, მათგან სამი თბილისში გადმოიყვანეს. დაშავებულებს შორის 12 ბავშვია.

გამოძიების პირველადი ინფორმაციით, ავტომანქანის მძღოლმა საჭე ვერ დაიმორჩილა, საავტომობილო გზიდან გადავიდა და ხევში გადავარდა. მიკროავტობუსის მძღოლი დაკავებულია. შსს-ს ცნობით, მის მიერ ჩადენილი დანაშაული 6-დან 10 წლამდე თავისუფლების აღკვეთას ითვალისწინებს.

ავტორი: ,

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა