2018-06-08 15:18:08, 1183 ნახვა

---

მდინარაძე: ბესელია იურიდიული კომიტეტის თავმჯდომარე და სისხლის სამართლის საქმის სპეციალისტია - ამიტომ შევიდა კომისიაში

ფრაქცია "ქართული ოცნების" თავმჯდომარის მამუკა მდინარაძის განცხადებით, პარლამენტის დროებითი საგამოძიებო კომისიაში ეკა ბესელიას ჩანაცვლება არ იგეგმება. 

როგორც მდინარაძემ აღნიშნა, ბესელია იურიდიულ საკითხთა კომიტეტის თავმჯდომარე და კვალიფიციური იურისტია.

"გადამწყვეტი არც ერთი ხმა არ იქნება უმრავლესობის, რადგან 17-კაციან შემადგენლობაში, "ქართული ოცნებიდან" მხოლოდ 6 დეპუტი. აქედან გამომდინარე კონკრეტულ ადამიანებზე ყურადღების გამახვილება არაფერს არ მოგვცემს. გარდა ამისა, ეკა ბესელია არის იურიდიულ საკითხთა კომიტეტის თავმჯდომარე და სისხლის სამართლის საქმის სპეციალისტი. ამიტომ, ის შევიდა კომისიაში და ამ მიმართულებით დიდი გამოცდილება აქვს. კონკრეტულ ადამიანებზე ხაზგასმა არანაირი შედეგის მომტანი იყო", - განაცხადა მამუკა მდინარაძემ. 

ცნობისთვის, დღეს ხორავას ქუჩაზე ოკლული ერთ-ერთი მოზარდის მამამ, ზაზა სარალიძემ იურიდიულ საკითხთა კომიტეტის და დროებითი საგამოძიებო კომისიის წევრს ეკა ბესელიას უნდობლობა გამოუცხადა და მისი აცილება მოითხოვა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი