„თქვენი ხელწამოსაკრავი ნამდვილად არ არის ქალბატონი თეა წულუკიანი. გირჩევნიათ თქვენი იუსტიციის მინისტრი გამოიძახოთ, ჩამოვიდეს და პასუხები გასცეს მართლმსაჯულებას“, - ასე მიმართა საპარლამენტო უმრავლესობის ლიდერმა არჩილ თალაკვაძე „ნაციონალური მოძრაობის“ წარმომადგენლებს წულუკიანის გადადგომის მოთხოვნასთან დაკავშირებით.

რაც შეეხება ხორავას ქუჩაზე მოზარდების მკვლელობის საქმის შემსწავლელ საგამოძიებო კომისიას, თალაკვაძემ აღნიშნა, რომ ენმ-ს დეპუტატების განცხადებები განსხვავებულია და მათ მოუწოდა, ჩამოყალიბდნენ, სურთ თუ არა კომისიის მუშაობაში მონაწილეობა.

„მე მგონი „ნაციონალური მოძრაობა“ კარგავს რეალობის შეგრძნებას ჩვენ თვალწინ, კიდევ ერთხელ. ერთის მხრივ იძახის, რომ კომისიის შექმნა არის ფარსიო და აქვე გვეუბნება, რომ მოდი შევქმნათ კიდევ ერთი კომისიაო. თუ შეიძლება ტაიმაუტი აიღეთ და იქნება მოილაპარაკოთ, ერთ პოზიციაზე ჩამოყალიბდეთ - გინდათ კომისიაში მონაწილეობა, თუ არ გინდათ. ცალი ხელით კომისიას რომ ითხოვთ და მეორე ხელით იძახით, რომ ეს ყველაფერი სიყალბე და ფარსია, როგორც მინიმუმ ეს ყველაფერი არასერიოზულად გამოიყურება.

რაც შეეხება თეა წულუკიანს, თქვენი ხელწამოსაკრავი ნამდვილად არ არის ქალბატონი თეა და გირჩევნიათ თქვენი იუსტიციის მინისტრი გამოიძახოთ, ჩამოვიდეს და პასუხები გასცეს საზოგადოებას და მართლმსაჯულებას“, - განაცხადა არჩილ თალაკვაძემ.

ცნობისთვის, მოზარდების მკვლელობის საქმის შემსწავლელი საგამოძიებო კომისიის შემადგენლობას პარლამენტი დღეს დაამტკიცებს.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს