„სასამართლოს გადაწყვეტილება რომელმაც არ მისცა მათ საშუალება გაემართათ გაფიცვა, ნამდვილად საეჭვო იყო და დღემდე კითხვებს ბადებს“, - ამის შესახებ საქართველოს სახალხო დამცველმა ნინო ლომჯარიამ გაფიცულ მეტროს მემანქანეებთან შეხვედრისას ჟურნალისტებს განუცხადა.

ლომჯარიას განცხადებით,  თუ მემანქანეებს სამსახურიდან გაათავისუფლებენ,  სახალხო დამცველის აპარატი მათ უფლებებს დაიცავს.  ომბუდსმენი მერიას და გაფიცულ მემანქანეებს მოლაპარაკებისკენ მოუწოდებს.

„სახალხო დაცვის აპარატი პირველი დღიდან დღემდე არის ჩართული და აკვირდება მიმდინარე პროცესებს. ჩვენ უკვე გავაკეთეთ შეფასებები სასამართლოს გადაწყვეტილების და უარყოფითად იქნა ჩვენს მიერ შეფასებული. როდესაც გაფიცვას ეხება საქმე, კომიკურია გაფიცვის უფლება დასაქმებულებს ეძლევათ არასამუშაო საათებში. გაფიცვა გულისხმობს სამუშაო საათებში სამსახურისთვის თავიდან არიდებას, გაფიცვის უფლება არის გარანტირებული და უზრუნველყოფილი, აქიდან გამომდინარე ორივე მხარემ - დამსაქმებელმა და დასაქმებულმაც უნდა განაგრძონ  მოლაპარაკებები რადგან ეს ამ შემთხვევაში არის გამოსავალი. სასამართლოს გადაწყვეტილება რომელმაც არ მისცა მათ საშუალება გაემართათ გაფიცვა ნამდვილად საეჭვო იყო და დღემდე კითხვებს ბადებს. ჩვენ მიგვაჩნია, რომ სასამართლოს ეს გადაწყვეტილება მოდის შრომის კანონმდებლობასთან  წინააღმდეგობაში და ამიტომ ჩვენ დავიცავთ თითოეული მათგანის უფლებებს, თუ რომელიმე მათგანი იქნება გათავისუფლებული“, - განაცხადა ნინო ლომჯარიამ

შეგახსენებთ, რომ მეტროს მემანქანეები 3 ივნისს 15:00 საათიდან გაიფიცნენ.  გაფიცვის გამო, 4 ივნისიდან ყველა მეტროსადგური დაკეტილია. მენანქანეები ხელფასების 45 პროცენტით გაზრდას ითხოვენ.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს