სს „ქართული დუდის კომპანიამ“ ჩინეთში, ქალაქ შანხაიში გამართულ SIAL China-ში მიიღო მონაწილეობა, სადაც გარკვეული საქმიანი წინადადებებიც მიიღო.

კომპანიის ექსპორტის მენეჯერი ლევან ოსეიფაიშვილი ამბობს, რომ ჩინეთში „ქართული ლუდის კომპანიის“ პროდუქციის გატანაზე, ამ დროისათვის, 15-მდე კომპანიასთან მიმდინარეობს აქტიური მოლაპარაკებები.

„China International Import Expo -ზე სრული ასორტიმენტით ვიყავით წარმოდგენილები.  წინასწარ 10-მდე კომპანიასთან გვქონდა ჩანიშნული შეხვედრა, ესენი იყვნენ ძირითადად დისტრიბუტორები. თუმცა ადგილზე გაირკვა, რომ სს „ქართული ლუდის კომპანიის“ პროდუქციით 50 კომპანია იყო დაინტერესებული. საუბარია, როგორც დისტრიბუტორებზე, ასევე ქსელური მარკეტებია და ონლაინ მაკეტების წარმომადგენლებთან. ჩინეთში ონლაინ პლატფორმა ძალიან პოპულარულია და რომლის საშუალებითაც ხდება კონტაქტების დამყარება სხვადასხვა კომპანიებთან. მოლაპარაკებების შემდგომ რაუნდში, ჩინეთის 15 კომპანიასთან გვაქვს აქტიური მოლაპარაკებები“, - აცხადებს სს „ქართული დუდის კომპანიის“ ექსპორტის მენეჯერი.

როგორც სს „ქართული დუდის კომპანიის“ მენეჯმენტი აცხადებს, მოლაპარაკებების წარმატებით დასრულების შემდგომ ჩინურ ბაზარზე პროდუქციის საცდელი რაოდენობა გაიგზავნება.

„სს „ქართული ლუდის კომპანიისათვის“ და ზოგადად საქართველოსთვის ჩინური ბაზრის გახსნა ძალიან მნიშვნელოვანი მოვლენაა. ჩინეთი დიდი ბაზარია და ჩვენთვის მისი ათვისება  საინტერესო და დიდი წარმატება იქნება. მით უმეტეს, რომ ჩინეთის ბაზარი არის უკვე გზა აზიის სხვადასხვა ბაზრებისკენ. როდესაც პროდუქცია ჩინეთის ბაზარზე შედის, ეს მის ცნობადობას და პოპულარიზაციას ზრდის და სხვა ქვეყნებიდანაც ჩნდება ინტერესი“, - აცხადებს ლევან ოსეფაიშვილი.

წლის ბოლომდე სს „ქართული ლუდის კომპანია“ კიდევ 3 უმსხვილეს საერთაშორისო გამოფენაზე იქნება წარმოდგენილი.

(R)

ავტორი: ,

სოციალური ქსელები

გორში ტელე-რადიო კომპანია „თრიალეთის“ მხარდამჭერი აქცია გაიმართა

თიბისი სტუმრებს Tbilisi Open Air-ზე განსაკუთრებული შეთავაზებებით უმასპინძლებს

მდინარაძე ავალიანის საქმეზე დაზარებულებს მიმართავს - ნუ დავასწრებთ მოვლენებს

კუპრაძე - მოქალაქეებო კამერებით რუსული სპეცსამსახურები გვითვალთვალებენ, ეს ყველაფერი ივანიშვილის ანტიქართულმა რეჟიმმა აამოქმედა