"ვითხოვ ჩემი შვილის მკვლელების, ასევე მათი ხელის დამფარველების დასჯას და არა სახელმწიფოს გადატრიალებას", - ამის შესახებ ხორავას ქუჩაზე მოკლული ერთ-ერთი მოზარდის მამამ, ზაზა სარალიძემ განაცხადა.

როგორც სარალიძემ აღნიშნა, პრემიერ-მინისტრის გიორგი კვირიკაშვილს განცხადება მისთვის გამაღიზიანებელი იყო და განმარტა, რომ თვეების განმავლობაში შს მინისტრთან შეხვედრას თავადაც ითხოვდა, თუმცა ამაოდ.

"არჩევნებზე საერთოდ ნამყოფი არ ვარ. ბოლოს არჩევნებზე, რომ ვიყავი ბიულეტენი გავაუქმე და გამოვედი. რა პოლიტიკა რის პოლიტიკა?! მე ვითხოვ ჩემი შვილის მკვლელების და მათი ხელის დამფარველების დასჯას. მათი ხელის დამფარველი არის სისტემა და სისტემას კიდევ ვიღაც აფარებს ხელს. ყველა ამ ხალხის დასჯას ვითხოვ და არა სახელმწიფოს გადატრიალებას. ვის მოსდის თავში იდეა, რომ მე თითქოს სახელმწიფოს გადატრიალება მინდა?! კვირიკაშვილის და მინისტრთა კაბინეთის წევრების გადადგომას ვითხოვ იქიდან გამომდინარე, რომ ისინი სისტემის ნაწილი არიან და სისტემა ჩემი შვილების მკვლელებს მფარველობს. გამაღიზიანა იმან, როდესაც პრემიერი მოვიდა აქციაზე, ის შეეცადა ჩემ თვალებში ნაცარი შეეყარა და მოვეტყუებინე. ამბობდა, რომ შინაგან საქმეთა მინისტრი გამოიძიებსო. მე თვითონ ვეხვეწებოდი შს მინისტრს, რომ შემხვედროდა და დამლაპარაკებოდა, მაგრამ ყურიც არ გააპარტყუნა. ახლა როგორ ვენდო გახარიას უწყებას?! პლუს ამას, რა უნდა გამოიძიოს გახარიას უწყებამ, როდესაც მტკიცებულებები არ არსებობს, მოწმეები არ არსებობს. ამბობენ, რომ საერთაშორისო ექსპერტები და პროკურორები ჩაერთვებიან - როცა არაფერი აღარ არსებობს, რას გამოიძიებენ ისინი?! ის მტკიცებულებები რაც აქვთ, სუბელიანის დაკავების დაფუძველს იძლევა, მაგრამ არ აკავებენ. გაწირეს შოთაძე და სუბელიანს თითს არ აკარებენ. ცდილობენ გამტეხონ, მაგრამ ბოლომდე შევაკლავ თავს ჩემი შვილის სულის სიწმინდისთვის. მოვუწოდებ ხალხს ნუ ცდილობენ ამ ყველაფრის გადატანას პოლიტიკურ ჭრილში. არ მსურს ეს პოლიტიკა - ფეხებზე მკიდია "ოცნებაც" და "ნაციონალებიც", - განაცხადა ზაზა სარალიძემ.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს