„ზაზა შენს გვერდში ვარ, მთავრობაც ჩვენს გვერდშია, მივცეთ შანსი და გამოვიძიოთ ჩემო ძმაო. რევოლუცია მე არ მაწყობს, მე მინდა ჩემი შვილის მკვლელი ბოლომდე დაისაჯოს“, - ამის შესახებ ხორავას ქუჩაზე მოკლული ლევან დადუნაშვილის მამა პარლამენტთან მიმდინარე აქციაზე განაცხადა.

როგორც მან აღნიშნა, თუკი სრულფასოვანი გამოძიება არ ჩატარდება და კითხვები მაინც დარჩება, ის საპროტესტო აქციებზე ზაზა სარალიძის გვერდით დადგება.

„მე ზაზას თანადგომას ვუცხადებ. ჩემი ტრაგედია და ზაზას ტრაგედია ერთია. საქართველოს ტკივილია, მაგრამ დავიღალეთ. მე მინდა ყველას მოგმართოთ. აქ ყველა მშობელია ძირითადად. მე მინდა მოგმართოთ, ის გამოძიება რომ დამთავრდეს, ის ხალხი ვინც ზიხართ ტელევიზორებთან და თქვენს შვილებს ხელს აფარებთ, გამოვიდეთ ყველა და მივმართოთ იმათ. ის მშობლები მშობლები მაშინ იქნებიან, ეს ტრაგედია მაშინ აღარ განმეორდება, როცა ვაიძულებთ იმათ, რომლებიც სახლში სხედან და არ გამოყავთ თავისი შვილები რომ ჩვენება მისცეს, სწორი გამოძიება წარიმართოს, სრული გამოძიება წარიმართოს. ზაზა შენს გვერდში ვარ, მთავრობაც ჩვენს გვერდშია, მივცეთ შანსი და გამოვიძიოთ ჩემო ძმაო. ერთად შევიდეთ პრეზიდენტთან, პარლამენტის თავმჯდომარესთან, პრემიერ-მინისტრთან. მე ამ ქვეყანაში ვცხოვრობ, ამ კანონებით ვცხოვრობ. რევოლუცია მე არ მაწყობს, მე მინდა ჩემი შვილის მკვლელი ბოლომდე დაისაჯოს. მაგრამ დღეს გამოსავალი არის ეს - არის ინსტანციები სადაც არის გასარკვევი, არის საჭირო საღი აზრით  მიდგომა, რომ ყველაფერი ისე გაიშიფროს როგორც შენ გულს და ჩემ გულს უნდა. თუკი კითხვები დარჩება მის შემდეგ, მეც შენ გვერდში ვიქნები, შენ გვერდში ვარ ყოველთვის. მე არ ვარ კმაყოფილი გამოძიებით, ამიტომ თუ კითხვები გვრჩება უნდა გამოიძიოს იმ სახელმწიფომ, რომელშიც ჩვენ ვცხოვრობთ. მე ბოლომდე ველოდებოდი ყველა კითხვაზე პასუხის გაცემას. მივცეთ შანსი გამოძიებას“, - განაცხადა ლევან დადუნაშვილის მამამ.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს