აქ მოვედი ზაზა სარალიძის და მალხაზ მაჩალიკაშვილის მხარდასაჭერად, - ამის შესახებ მშვილმკვდარმა დედამ და პარლამენტთან მიმდინარე აქციის ერთ-ერთმა მონაწილემ განაცხადა. 

როგორც ქალბატონმა აღნიშნა, მისი შვილი 12 წლის წინ, რუსთაველის გამზირზე დიდი სიჩქარით მმოძრავმა ავტომობილმა შეიწირა. მანვე დასძინა, რომ აღნიშნული ფაქტის გამო არავინ დასჯილა. 

"მეც შვილმკვდარი დედა ვარ. ჩემი შვილი ამ გამზირზე მოკლეს- ის ვიღაცის ქეიფს შეეწირა, მანქანამ გაიტანა და სამართალი ვერ ვნახე. საქმე 3 თვეშ დაიხურა. ყველაფერი ნათელი იყო. მადლობას ვუხდი სარალიძეს და მაჩალიკაშვილს, რადგან მათ გააგრძელეს ბრძოლა. მე ეს ვერ გავაკეთე. ესკლესიაში დავემხე. ეკლესიაშიც უნდა მევლო და უნდა მებრძოლა იმისთვის, რომ ჩემი შვილის მკვლელი გასამართლებულიყო. 12 წლის შემდეგ, მე მას ყველაფერს ვპატიობ, მაგრამ არ ვაპატიებ, რომ რომელიმე ჩემი შვილიშვილს თმა ჩამოუვარდეს არაკანონიერად. თაყვანს ვცემ ზაზა სარალიძეს და მალხაზ მაჩალიკაშვილს, მუხლებზე დავიჩოქები, მაგრამ ხეიბარი ვარ. დავიჩოქები ყველას წინაშე ვინც იბრძვის თავისუფლებისთვის, ახალგაზრდობისთვის, გენაცვალეთ პატარა ბიჭებო და გოგოებო. 73 წლის ქალი კი არ გაქეზებთ, არამედ მოგიწოდებთ თავი არავის დააჩაგვრინოთ. აქ პოლიტიკა არაფერ შუაშია. გვინდა მომავალმა თაობამ იცოცხლოს და გაიხაროს.  მხარს ვუჭერ ყველას აქციას. მხარს არ ვუჭერ ნარკოტიკს, მაგრამ მხარს ვუჭერ იმას, რომ კლუბი უნდა იყოს. მაგრამ არა ნარკოტიკული საშუალებებით გაჯერებული. ამ ფულით გატენილ ჩინოსნებს და მთავრობას შვილები საზღვარგარეთ ჰყავთ, რომლებიც იქ მაგრად ერთობიან, ჩვენმა შვილებმა რა დააშავეს. ჩვენი ასეთი მდიდარი ქვეყანა, რატომ არის ასეთი უბედური?!", - განაცხადა აქციის მონაწილე ქალბატონმა. 

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს