საქართველოს პრეზიდენტის გიორგი მარგველაშვილის და ხორავაზს ქუჩაზე მოკლული ერთ-ერთი მოზარდის მამის, ზაზა სარალიძის შეხვედრა დასრულდა. 

როგორც შეხვედრის შემდეგ პრეზიდენტმა ჟურალისტებს განუცხადა, მან მოკლული მოზარდის მამისგან მიიღო ინფორმაცია იმ პრეტენზიების შესახებ, რომელსაც მას გააჩნდა. 

"პირველ რიგში ჩემი სათქმელი იყო, გაზიარება იმ ტკივილის, რომლითაც სავსეა ამ კაცის გული და რომელიც ბევრ ადამიანს შეეხო. მეორე - ჩემი მიზანია ვეურთიერთო როგორც ზაზას, ასევე სხვა ადამიანებს ვისაც აქვს ეს ტკივილი, იმისთვის, რომ მშვიდი, წყნარი და სტაბილური პროცესი იქნას უზრუნველყოფილი და ქვეყანა იყოს სიმშვიდეში. ამისთვის, მე ვეურთიერთები ბუნებრივია ხელისუფლებასაც და არ დავიღლები ამ სამსახურში, რომ საქართველო იყოს ყველასთვის. იყოს ისეთი ქვეყანა, რომელშიც ისინი პოულობენ სამართლიანობის განცდას და სტაბილურობას", - განაცხადა მარგველაშვილმა.

ცნობისთვის, გიორგი მარგველაშვილის და ზაზა სარალიძის შეხვედრა დაახლოებით ერთი საათის განმავლობაში გრძელდებოდა. პრეზიდენტის სურვილით ის მედიისთვის დახურული იყო. აღსანიშნავია, რომ გიორგი მარგველაშვილის აქციაზე მოსვლას ზაზა სარალიძე გუშინ ითხოვდა. 

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს