„სისტემა უკან არ იხევს, სისტემამ გადაწყვიტა, რომ მე ბოლომდე გამანადგუროს“, - ამის შესახებ ხორავას ქუჩაზე მოკლული დავით სარალიძის მამამ, ზაზა სარალიძემ პარლამენტის შენობასთან მიმდინარე აქციაზე სიტყვით გამოსვლისას განაცხადა.

როგორც მან აღნიშნა, არც ერთი პირი არ არის დასჯილი, რომელიც მისი შვილის მკვლელობაში იღებდა მონაწილეობას.

„ჩემო ძმებო და დებო, მე როგორც ვხედავ სისტემა უკან არ იხევს, სისტემამ გადაწყვიტა, რომ მე ბოლომდე გამანადგუროს. არც ერთი პირი არ არის ჯერჯერობთ დაკავებული ჩემი შვილის მკვლელებიდან, ყველა გარეთ არის. საქართველოს დატოვების უფლებაც მისცეს. ვინ დგას ამ საქმის უკან, ვინ დგას პროკურატურის უკან?! მე პირადად აქ ვიდგები მანამ, სანამ ჩემი, სამართლიანობის მოთხოვნები არ დაკმაყოფილდება, სანამ დაკავებული არ იქნება ყველა ის პირი, ვინც უხეშად ჩაერია ჩემი შვილის მკვლელობაში, ვინც უხეშად ჩაერია შვილის მკვლელობის საქმის გაყალბებაში. თითქმის 6 თვეა ამ საქმეს მყარად ვუდგავარ, ცოტა დავიღალე, მაგრამ მაინც განვაგრძობ ბრძოლას მანამ, სანამ ჩემი შვილის მკვლელები ყველა სააშკარაოზე არ გამოვა. თავს შევაკლავ და არ მივცემ უფლებას არ პროკურატურას, არც პროკურატურის ზემდგომ ინსტანციებს, რომ ჩემს შვილს სულში ჩააფურთხოს“, - განაცხადა სარალიძემ.

მან ასევე მოქალაქეებს მხარდაჭერისთვის მადლობა გადაუხადა.

„დიდ მადლობა არა მარტო საქართველოს, არამედ მთელ მსოფლიოს. ყველა, მსოფლიოს კუთხეებიდან გვერდში გვიდგას, სოლიდარობას გვიცადებენ არა მარტო მე, არამედ ყველა შვილმოკლულ მშობელს. ძირს სისტემა!“, - აღნიშნა ზაზა სარალიძემ.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს