თბილისის მერის მოადგილე ილია ელოშვილი, ზედამხედველობის საქალაქო სამსახურის უფროს გიორგი ბაგრატიონთან და მთაწმინდის რაიონის გამგებელ დავით კირკიტაძესთან ერთად ყიფიანის ქუჩაზე იმყოფებოდა.

მერიის ინფორმაციით, ილია ელოშვილი ვითარებას ადგილზე გაეცნო და მოსახლეობას გაესაუბრა.

მერის მოადგილის განცხადებით, ამ ეტაპზე სამუშაოები შეჩერებულია.  თბილისის მთავრობა კი მოსახლეობის უსაფრთხოებისთვის ყველაფერს გააკეთებს.

„მოხდა ქანების ჩამოშლა. გავესაუბრეთ მოსახლეობას. ყველა ღონისძიება იქნება გატარებული,  რათა ისინი უსაფრთხოდ იყვნენ. შეჩერებულია სამუშაოები, მოხდება გამოკვლევა  როგორც დოკუმენტაციის, ასევე,  კონკრეტულად ამ შემთხვევის გამომწვევი მიზეზების და აქედან გამომდინარე მივიღებთ გადაწყვეტილება, თუ რა ნაბიჯები გადავდგათ სამომავლოდ“, - განაცხადა ილია ელოშვილმა.

თბილისის მერიის ზედამხედველობის საქალაქო სამსახურის უფროსის,  გიორგი ბაგრატიონის განცხადებით, სამშენებლო კომპანიას  დამატებითი დასკვნების წარმოდგენა დაევალა.

„მშენებლობა გაჩერებულია. ჩვენ მოვითხოვთ დამატებით დასკვნებს. მოხდება კიდევ ერთხელ გადამოწმება და  შესწავლა უკვე არსებული დოკუმენტაციისა და დამატებითი დასკვნების წარმოდგენა. როგორც ჩვენ  ერთხელ უკვე დავავალეთ ერთ-ერთ მხარეს მომიჯნავე კედლის გამაგრება, ასევე დაევალებათ მეორე და მესამე მხარეს მომიჯნავე კედლის გამაგრება. კონსტრუქტორებთან, გეოლოგებთან ერთად ამ ყველაფერს გავივლით,  იქნება დასკვნები და მას შემდეგ გვექნება პასუხი ამ მშენებლობასთან დაკავშირებით რა გადაწყვეტილებას მივიღებთ“,- განაცხადა გიორგი ბაგრატიონმა.

მთაწმინდაზე, ყიფიანის ქუჩაზე, სამშენებლო კომპანიის წარმომადგენლებიც იმყოფებოდნენ. მათთან დამატებით შეხვედრას თბილისის მერის მოადგილე  შესაბამისი სამსახურების წარმომადგენლებთან ერთად გამართავს.

(NS)

ავტორი: ,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა