3 ივნისს კაჭრეთში კომპლექს  „ამბასადორის“ ოლიმპიურ  საცურაო აუზზე „ვითიბი ბანკის“ მხარდაჭერით,  ზურაბ სახელაშვილის სახელობის ტურნირი მინი წყალბურთში  გაიმართება.

აღნიშნული შეჯიბრი უკვე მეთერთმეტედ ტარდება და პირველად გაცდა თბილისის  ფარგლებს.  შეჯიბრი შერეული სისტემით მინი  წყალბურთის  წესებით ტარდება.  ტურნირში მონაწილეობას მიიღებს: დინამო,  ლოკომოტივი,  თბილისის თბილისი,  ზუკას მეგობრების გუნდი, ზვიგენები და ეროვნული ნაკრები. ზუკას თასში არამხოლოდ გამოცდილი და ვეტერანი სპორტსმენები, არამედ ახალგაზრდა  დამწყები წყალბურთელებიც მიიღებენ მონაწილეობას.

როგორც ზუკას თასის ორგანიზატორი მაკო მეტრეველი აცხადებს, აღნიშნულ ღონისძიების გამართვა რეგიონის განვითარებისთვის ძალიან მნიშვნელოვანია.

„წლევანდელი თასი არის გამორჩეული იმით, რომ ჩვენ გავედით რეგიონში. ძალიან მნიშვნელოვანია რეგიონის განვითარებისთვის, იქ წყალბურთის პოპულარიზაციისთვის. აქამდე თასი იყო საერთაშორისო და ჩვენ რვა წელი გვყავდა სხვადასხვა ქვეყნებიდან  გუნდები, რომლებიც ასევე იყვნენ ზუკას მეგობრები და ისინი აქტიურად იყვნენ ჩართული ტურნირში.  ეს არ არის ჩვეულებრივი ჩემპიონატი, ეს არის ურთიერთობის გახსენების და ძალიან ბევრი კარგი მოგონებების დღე რაც ჩვენთვის ძალიან მნიშვნელოვანია“, - განაცხადა ზუკას თასის ორგანიზატორმა მაკო მეტრეველმა.

„ვითიბი ბანკის“  მარკეტინგის და საზოგადოებასთან ურთიერთობის სამმართველოს ხელმძღვანელი შოთა მაჭავარიანის განცხადებით, მათთვის ქართული სპორტის განვითარებას დიდი მნიშვნელობა აქვს. მისივე თქმით, მრავალი წელია რაც  „ვითიბი ბანკს“ ქართული სპორტის განვითარებაში დიდი წვრილი შეაქვს.

 „ძალიან გვიხარია, რომ წელს ზუკას თასის მხარდამჭერები და გენერალური სპონსორები ვართ ჩვენ, ვითიბი ბანკი. ძალიან დიდი მნიშვნელობა აქბს ჩვენთვის ქართული სპორტის განვითარებას და მრავალი წელია აქტიური წვრილი  შეგვაქვს ქართული სპორტის განვითარებაში, ამ შემთხვევაში ქართული წყალბურთის განვითარებაში და გვინდა  კვირას ყველა გუნდს ვუსურვო წარმატება“, - განაცხადა ვითიბი ბანკის მარკეტინგის და საზოგადოებასთან ურთიერთობის სამმართველოს ხელმძღვანელმა  შოთა მაჭავარიანმა.

შეჯიბრში გამარჯვებულ გუნდს  გადაეცემა  გარდამავალი თასი,  ასევე  ჯილდოვდებიან საუკეთესო ბომბარდირი, მოთამაშე და მეკარე.

წყალბურთელი ზუკა სახელაშვილის ხსოვნისადმი მიძღვნილი ტურნირი  ყოველწლიურად იმართება.

ფოტო რეპორტაჟი

(R)

ავტორი: ,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა