პროკურატურა - მირზა სუბელიანმა, მისი არასრულწლოვანი შვილი პოლიციაში თავად წარადგინა

მირზა სუბელიანი, 2017 წლის პირველ დეკემბერს პეკინის ქუჩაზე ნამდვილად იმყოფებოდა, - ამის შესახებ უწყებაში გამართულ ბრიფინგზე პროკურორმა მალხაზ კაპანაძემ განაცხადა.

როგორც მან განმარტა, გამოძიებით დადგინდა, რომ სუბელიანის აღნიშნულ მისამართზე მისვლის მიზანს ვითარებაში გარკვევა, მისი შვილის პოლიციაში წარდგენა და სამართალდამცველებთან თანამშრომლობა წარმოადგენდა.

„მან შემთხვევიდან 3 საათში მისი არასრულწლოვანი შვილი პოლიციაში წარადგინა და როგორც კანონიერი წარმომადგენელი საგამოძიებო მოქმედებას - დაკითხვას დაესწრო. ის ასევე თავის ნათესავებს პოლიციასთან თანამშრომლობისკენ მოუწოდებდა, რაც დადასტურებულია როგორც გამოძიების ეტაპზე მოპოვებული მტკიცებულებებით, ასევე სასამართლო სხდომაზე დაკითხული მოწმეების ჩვენებებით. ამასთან საზოგადოებას შევახსენებთ, რომ მირზა სუბელიანი საქართველოს პროკურატურაში მუშაობდა კადრების დეპარტამენტში და მას არანაირი შეხება არ ჰქონია საპროკურორო საქმიანობასთან, ხოლო ინციდენტიდან მალევე მან მიმართა მთავარ პროკურორს სამსახურიდან გათავისუფლების თხოვნით, რაც დაკმაყოფილებული იქნა საქართველოს მთავარი პროკურორის მიერ“, - განაცხადა პროკურორმა მალხაზ კაპანაძემ.

ავტორი: ,

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა