ფოთისა და ხობის მიტროპოლიტ მეუფე გრიგოლთან ერთად საღმრთო ლიტურგიაში დღეს მსოფლიოს სხვადასხვა მართლმადიდებლური ქვეყნების დელეგაციის წარმომადგენლებიც მონაწილეობდნენ.

საღმრთო ლიტურგიაში მონაწილეობა რუსეთის საპატრიარქოდან მოვლინებულმა სასულიერო პირებმაც მიიღეს. მათ საქართველოში მოვლენილ მამა ვლადიმერის მისიაზეც ისაუბრეს.

როგორც ერთ-ერთმა მღვდელმსახურმა ჟურნალისტებს განუცხადა, მამა ვლადიმერის საქართველოში გაგზავნის შესახებ გადაწყვეტილება რუსეთის საპატრიარქომ მიიღო. 

"დიდი ხანია მოსკოვში არსებობს საქართველოს საპატრიარქოს წარმომადგენლობა. ეკლესიაში წირვა-ლოცვა სრულდება ქართულ ენაზე. რაც შეეხება მამა ვლადიმერის საქმიანობას, ის სულიერ საზრდოს მიაწვდის საქართველოში მცხოვრებ მართლმადიდებელ რუსებს. ის არავის ინტერესების დამცველი არ იქნება. ის იქნება რუსული ეკლესიის სახე და ხიდის როლს შეასრულებს ჩვენს ეკლესიებს შორის“, - აღნიშნა სასულიერო პირმა. 

ამასთან, სასულიერო დელეგაციამ საქართველოში წმინდანთა ნაწილები ჩამოაბრძანა, რომელიც კომპლექსს მუდმივ მფლობელობაში გადაეცა.

„ჩვენ ვართ იმ დელეგაციის შემადგენლობაში, რომელიც ამ შესანიშნავი ტაძრის მშენებლობის დაწყების 5 წლისთავისადმი მიძღვნილი ღონისძიების მხარდასაჭერად ჩამოვიდა. ჩამოვიტანეთ როსტოვისა და იარლოსვლავის ეპარქიის საჩუქარი წმინდანთა ძვლები, რომლებიც აქ სამუდამოდ იქნება დასვენებული. ამით იმედი გვაქვს აღსრულდება სულიერი ერთობა მოძმე ქართველ და რუს ხალხებს შორის”, -განაცხადა იღუმენი ავგუსტინმა.

შეგახსენებთ, რამდენიმე კვირის წინ ცნობილი გახდა, რომ რუსეთის საპატრიარქო საქართველოში წარმომადგენელს გზავნის. პატრიარქ კირილესა და სინოდის გადაწყვეტილებით სასულიერო პირი რუსულენოვანი მრევლისთვის იქადაგებს და საჭიროების შემთხვევაში რუსეთის ეკლესიის პოზიციას წარმოადგენს. 

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს