ექსპერტ მაია ნიკოლეიშვილისა და ხორავას ქუჩაზე მომხდარი მკვლელობის საქმეზე დაკავებული ერთ-ერთი ბრალდებულის ადვოკატზე განხორციელებული შესაძლო ზეწოლის ფაქტზე, პროკურატურის გენერალურმა ინსპექციამ მოკვლევა დაიწყო.

საქართველოს მთავარი პროკურორის მოდაგილის, გიორგი გაბიტაშვილის განცხადებით, ჩატარდება ყველა მოქმედება იმის დასადგენად, ჰქონდა თუ არა პროკურორების მხრიდან  რაიმე სახის გადაცდომას ადგილი.

„პროკურორების მხრიდან სავარაუდო გადაცდომის ფაქტზე გენერალურ ინსპექციაში დაწყებულია სამსახურეობრივი შემოწმება. ეს შემოწმება ახალი დაწყებულია, ჩატარდება ყველა მოქმედება იმის დასადგენად, ჰქონდა თუ არა პროკურორების მხრიდან  რაიმე სახის გადაცდომას ადგილი. ეს სამსახურეობრივი შემოწმების შესახებ ინფორმაციაა და მოგვიანებით გავავრცელებთ განცხადებას.  რაც შეეხება ნიკოლეიშვილის მიერ წარმოდგენილი ექსპერტიზის დასკვნას ის წინააღმდეგობაში არის სხვა მტკიცებულებებთან, რომელიც საქმეშია და გამოძიების მიერ არის დადგენილი. დაველოდებით სასამართლო პროცესის დასრულებას იგი რამდენიმე დღეში დასრულდება და ვნახოთ რა შეფასებას მისცემს სასამართლო“,- განაცხადა გაბიტაშვილმა.

შეგახსენებთ, რომ შემთხვევა ორი დღის წინ პროცესზე მოხდა. უწყებამ საქმის შესწავლა მას შემდეგ დაიწყო, რაც ექსპერტმა მაია ნიკოლეიშვილმა პროკურორის მხრიდან ზეწოლისა და მუქარის შესახებ განაცხადა.

ავტორი: ,

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა