საქართველოს დემოკრატიული რესპუბლიკის 100 წლის იუბილესთან დაკავშირებული ერთიანი საზეიმო ღონისძიების ფარგლებში, იუსტიციის სახლის ინსტალაცია  რუსთაველის გამზირზე განთავსდა.

საქართველოს მოქალაქეებს, რომლებიც დამოუკიდებლობის დღეს აღნიშნავენ, საშუალება ექნებათ 26 მაისის თაღი დაათვალიერონ და საკუთარი თვალით ნახონ, როგორ იცვლებოდა ქართული პასპორტი 1918 წლის დემოკრატიული რესპუბლიკის დოკუმენტიდან თანამედროვე ბიომეტრიულ პასპორტამდე, რომელიც საქართველოს მოქალაქეებს ევროკავშირისა და შენგენის ზონის ქვეყნებში უვიზოდ მოგზაურობის საშუალებას აძლევს.

26 მაისის თაღი იმ გზის სიმბოლოა, რომელიც საქართველომ ერთი საუკუნის განმავლობაში გაიარა ევროპასთან დასაბრუნებლად. ინსტალაციაზე დატანილია ინფორმაცია ყველა სამგზავრო დოკუმენტის შესახებ, რომლებითაც საქართველოს მოქალაქეები 1918 წლიდან დღემდე სარგებლობდნენ. სხვადასხვა დროს მოქმედი 6 განსხვავებული სამგზავრო დოკუმენტი მნიშვნელოვნად გამოირჩევა ერთმანეთისაგან და საქართველოს, როგორც ევროპისაკენ მიმავალი ქვეყნის, ტრანსფორმაციას ასახავს.

საქართველოს პირველი დემოკრატიული რესპუბლიკის პასპორტი ქართულ- და ფრანგულენოვანია. მის ყდაზე საქართველოს გერბია გამოსახული.

საბჭოთა ოკუპაციის პირობებში საქართველოში სხვადასხვა დროს ორი სხვადასხვა პასპორტი მოქმედებდა. 1954 წლიდან ე.წ. ОФ სერიის პასპორტი გაიცემოდა; 1975 წლის 1 ივლისიდან კი, ის საბჭოთა კავშირის სიმბოლიკიანმა პასპორტმა შეცვალა, რომლის აღება ყველასთვის სავალდებულო იყო.

დამოუკიდებელი საქართველოს რესპუბლიკის პირველი პასპორტი 1994 წლის 4 აგვისტოს დამტკიცდა და პირველად ამავე წლის 22 ნოემბერს გაიცა. მის ყდაზე ბორჯღალია დატანილი. 2005 წლის 16 აპრილიდან დამტკიცდა 32-გვერდიანი პასპორტი, რომელზეც საქართველოს გერბია გამოსახული. 2006 წლის 13 ივნისიდან 32-გვერდიან პასპორტთან ერთად შესაძლებელი გახდა 48-გვერდიანი პასპორტის აღება.

ყველაზე დაცული სამგზავრო დოკუმენტი − თანამედროვე პასპორტი − 2010 წლის 15 აპრილიდან გაიცემა. მის მფლობელებს 2017 წლიდან საქართველოს მთავრობისა და იუსტიციის სამინისტროს მიერ გატარებული რეფორმების შედეგად ევროკავშირისა და შენგენის ქვეყნებში უვიზო მოგზაურობა შეუძლიათ.

საქართველოს დემოკრატიული რესპუბლიკის 100 წლის იუბილესთან დაკავშირებული  საზეიმო ღონისძიების დასრულების შემდეგ ინსტალაცია კვლავ თბილისის იუსტიციის სახლთან განთავსდება.

(NS)

ავტორი: ,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა