შერიგებისა და სამოქალაქო თანასწორობის საკითხებში სახელმწიფო მინისტრმა საქართველოს მოსახლეობას პირველი დემოკრატიული რესპუბლიკის 100 წლის იუბილე მიულოცა.

როგორც ციხელაშვილმა აღნიშნა, ეს თითოეული მოქალაქისთვის ძალიან მნიშვნელოვანი დღეა. 

"მინდა, რომ ყველას მოგილოცოთ ეს მნიშვნელოვანი თარიღი ჩვენი ქვეყნისთვის, თითოეული ჩვენი მოქალაქეობისთვის. ეს განსაკუთრებული დღეა, რადგან დემოკრატიული სახელმწიფოებრიობის 100 წლის იუბილეს ვზეიმობთ. მიუხედავად იმისა, რომ ის რაც 1918 წლის 26 მაისს მოხდა, მხოლოდ 3 წელი გრძელდებოდა, სანამ საბჭოთა ოკუპაცია მთელი 70 წლით შეაფერხებდა ჩვენს დემოკრატიულ განვიტარებას, ამან შექმნა მყარი საფუძველი ჩვენი თანამედროვე სახელმწიფოებრიობისათვის. მინდა, დიდი სიამაყით აღვნიშნო, რომ მაშინდელ დამფუძნებელ კრებაში ასახული იყო მთელი ქვეყნის ეთნოდემოგრაფიული სურათი, იყო წარმოდგენილი სხვადასხვა ეთნიკური ჯგუფის წარმომადგენლები, ასევე ქალები,“ - განცხადა ქეთევან ციხელაშვილმა.

მინისტრის თქმით, საქართველოს ბრძოლა თავისუფლებისთვის ჯერ არ დასრულებულა.

„ჩვენი ბრძოლა დამოუკიდებლობის და თავისუფლებისთვის ჯერ არ დასრულებულა იმიტომ, რომ ჩვენი ქვეყნის ტერიტორიების ნაწილი არის ოკუპირებული, ადამიანები გამოდევნილია საკუთარი სახლებიდან. ჩვენ უნდა ვიაროთ მომავლისკენ, იმ ევროპული დემოკრატიული მომავლისკენ, სადაც ჩვენს სახელმწიფოში ყველა ადამიანის უფლებები, იდენტობა იქნება დაცული და ჩვენ ვიქნებით ევროპული და ევროატლანტიკური სივრცის წევრი, რაც არის ჩვენი ისტორიული ადგილი,“ - განაცხადა ქეთევან ციხელაშვილმა.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს