„ნარკოპოლიტიკასთან დაკავშირებით საბოლოო გადაწყვეტილება იქნება ისეთი, რომელიც საზოგადოებრივ ინტერესებში ადეკვატურად ჩაჯდება“, - ამის შესახებ ფრაქცია „ქართული ოცნების“ თავმჯდომარე მამუკა მდინარაძემ საპარლამენტო უმრავლესობის შეხვედრის შემდეგ ჟურნალისტებს განუცხადა.

როგორც მან აღნიშნა, გუნდში ბევრ საკითხზე მოხდა შეთანხმება, თუმცა დარჩა დეტალები, რომელზეც მომდევნო დღეებში იმსჯელებენ.

"ჩვენ დავასახელეთ პოზიციები იმასთან დაკავშირებით, რომ აქ არის რამდენიმე კომპონენტი. კომპონენტები მოიცავს პირველი - ნარკორეალიზატორებთან დაკავშირებით საკითხებს, მეორე - შეძენა-შენახვასთან დაკავშირებით, დოზირების საკითხებს და მესამე - ეს არის მომხმარებლების საკითხი. ჩვენ პრაქტიკულად შევჯერდით ყველა საკითხზე, უფრო დავაახლოვეთ პოზიციები, უფრო დავაკონკრეტეთ რომ ნარკორეალიზატორების მიმართ იქნება გაცილებით უფრო მკაცრი სანქცია, ვიდრე ეს არის დღევანდელ კანონმდებლობაში. დოზებზე პრაქტიკულად შევჯერდით და კვირის ბოლომდე ალბათ უფრო დეტალურად იქნება ეს საკითხი გავლილი და რაც შეეხება მომხმარებლებს, შევჯერდით რომ მომხმარებლების მიმართ იქნება ჰუმანური კანონმდებლობა, ესეც პრაქტიკულად შეთანხმებულია. ჩვენ დაგვრჩა რამდენიმე დეტალი და მომდევნო დღეების განმავლობაში აუცილებლად შევთანხმდებით ამ დეტალებთან დაკავშიებით. ვფიქრობ, რომ საბოლოო გადაწყვეტილება იქნება ისეთი მიღებული, რომელიც საზოგადოებრივ ინტერესებში ჩაჯდება ადეკვატურად", - მამუკა მდინარაძე.

ცნობისთვის, „ქართული ოცნების“ ცენტრალურ ოფისში საპარლამენტო უმრავლესობის შეხვედრა დაახლოებით 4 საათს გაგრძელდა. შეხვედრას ყოფილი პრემიერი და პარტიის თავმჯდომარე, ბიძინა ივანიშვილიც ესწრებოდა.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს