პარლამენტის პლენარულ სხდომაზე შინაგან საქმეთა მინისტრის გამოსვლის პოლიტიკური შეფასებების და დებატების შემდეგ გიორგი გახარიამ დეპუტატებს დასკვნითი სიტყვით მიმართა.

მინისტრის სიტყვის მთავარი ადრესატები რიგითი პოლიციელები იყვნენ.

„პირველ რიგში მადლობა მინდა გადავუხადო დეპუტატებს, ჩვენთვის პატივია და ძალიან სასარგებლო წარვდგეთ თქვენს წინაშე. რა თქმა უნდა მადლობა მინდა კიდევ ერთხელ გადავუხადო თითოეულ პოლიციელს და ვუთხრა, რომ თმენის ვალდებულება არის საფუძველი ჩვენი მოვალეობის შესრულების. კეთილსინდისიერება და ეფექტურობა არის ის კრიტერიუმები, რომლებიც მოგვცემს საშუალებას აღვადგინოთ ნდობის ის მაღალი ხარისხი, რომლის გარეშე ეფექტური ბრძოლა კრიმინალთან იქნება შეუძლებელი. ეს არის პრინციპულად მნიშვნელოვანი. ჩვენ კარგად გვესმის, რომ უკომპრომისო ბრძოლა კრიმინალთან და ზრუნვა ჩვენს მოქალაქეებზე არის ჩვენი ძირითადი მიზანი. თითოეულ პოლიციელს, რომელიც ამ დღეებში იღებდა მონაწილეობას ამ ღონისძიებებში გადავუხადო პირადად მადლობა და გითხრათ, რომ ჩვენ ერთად, მოქალაქეებთან ერთად, დაპირისპირებულ მხარეებთან ერთად, რომელიც იდგა რუსთაველზე მივეცით საზოგადოებას შანსი, რომ გაჩნდეს ამ ქვეყანაში ახალი პოლიცია, რომელიც დაიმსახურებს საზოგადოების ნდობას. რომლის ძირითადი ამოცანა იქნება ზრუნვა მოქალაქეზე. პოლიცია არ ეკუთვნის არც ერთ პარტიას, პოლიცია ეკუთვნის ქვეყანას და ჩვენი მისია, ჩვენი სისტემური განახლების მთავარი მიზანი გახლავთ ის რომ, პოლიცია გახდეს უფრო ეფექტური და უფრო კეთილსინდისიერი. მადლობა“, - განაცხადა შინაგან საქმეთა მინისტრმა გიორგი გახარიამ.

სალომე უბირია

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს