„დამატებითი ჰიდროენერგია აუცილებელია სვანეთის და ადგილობრივი მოსახლეობისთვის“, - ამის შესახებ ცნობილმა მთამსვლელმა რაინჰოლდ მესნერმა სვანეთში ვიზიტისას განაცხადა, სადაც „კავკასიის მთის ცენტრისთვის" შერჩეული ტერიტორია დაათვალიერა.

თუმცა, როგორც მან აღნიშნა, მნიშვნელოვანია რომ იმ ადამიანებს, რომლებიც მთაში საუკუნეების განმავლობაში ცხოვრობენ, მიეცეთ შესაძლებლობა კვლავაც საკუთარ საცხოვრებელ ადგილზე დარჩნენ.

„ასევე აუცილებელია ტურიზმის განვითარება, რათა ამ ხალხს სოფლის მეურნეობასთან ერთად შემოსავლის დამატებითი წყარო მიეცეს. ტურიზმის განვითარებისთვის აუცილებელია, რომ ადამიანები დარჩნენ მთაში, ხოლო, თავის მხრივ, ტურიზმი ავითარებს ცხოვრებისთვის საჭირო ეკონომიკურ პირობებს. ჰიდროსადგურები (ჰიდროენერგია) ამ პროცესის განუყოფელი ნაწილია. ჩვენ ვიყენებთ ელექტროენერგიას და დამატებითი ჰიდროენერგია აუცილებელია სვანეთის და ადგილობრივი მოსახლეობისთვის. ეს ენერგიის ყველაზე სუფთა წყაროა, რაც გვაქვს. ეს ჩემი პირადი, პოლიტიკური შეხედულებაა. ნავთობი და ბენზინი 20-30 წელიწადში წარმოუდგენლად ძვირი იქნება და თუ ჩვენ ჰიდროენერგიას არ გამოვიყენებთ, როგორ შევძლებთ გადარჩენას თანამედროვე მსოფლიოსა და ეკონომიკაში?!", - განაცხადა იტალიელმა მთასვლელმა.

ლეგენდარულმა იტალიელმა მთამსვლელმა საქართველოში, კერძოდ, მესტიაში მსოფლიოში „კავკასიის მთის ცენტრის" შექმნის გადაწყვეტილება გასულ წელს, პრემიერ-მინისტრ გიორგი კვირიკაშვილთან შეხვედრის შემდეგ მიიღო. ამჯერად ის სვანეთში „მთის კურორტების განვითარების კომპანიის" ხელმძღვანელთან, ალექსანდრე ონოფრიშვილთან ერთად იმყოფებოდა. „კავკასიის მთის ცენტრი", რომელიც სვანეთში აშენდება, მესნერის მუზეუმების ქსელის შემადგენელი ნაწილი იქნება.

(NS)

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს