„არავინ დავობს იმაზე, რომ ნარკომომხმარებელი არ უნდა დავიჭიროთ, მაგრამ არ უნდა მოხდეს ქვეყანაში ნარკოტიკების გავრცელება“, - ამის შესახებ ამის შესახებ საპარლამენტო უმრავლესობის წევრმა, დიმიტრი ხუნდაძემ ჟურნალისტებს განუცხადა.

როგორც მან აღნიშნა, პროექტს, რომელიც დღეს პარლამენტში დევს, კატეგორიულად ემიჯნება.

„დეკრიმინალიზაცია უნდა მოხდეს, მაგრამ ის უნდა იყოს სწორად გათვლილი, დაგეგმილი და სწორად განხორციელებული. არავინ დაობს იმაზე, რომ ნარკომომხმარებელი არ უნდა დავიჭიროთ, მაგრამ არ უნდა მოხდეს ქვეყანაში ნარკოტიკების გავრცელება. პარლამენტში ინიცირებული კანონპროექტი რა ფორმითაც არის წარმოდგენილი, კატეგორიულად მიუღებელია და თუ სესიაზე ამ სახით გავა, მე წინააღმდეგი ვიქნები“, - აღნიშნა ხუნდაძემ.

მან ასევე არსებული კანონპროექტით შემოთავაზებულ დოზებზე ისაუბრა და განაცხადა, რომ საჯარიმო სახდელები სწორად უნდა იყოს გათვლილი.

„პირადად ჩემთვის მიუღებელია ის, რომ თუ ნარკომომხმარებელი ნარკოტიკს არასრულწლოვანთან ერთად მოიხმარს, ის 200 ლარის ოდენობით დაჯარიმდეს. ასევე მიუღებელია, ნარკოტიკების თუნდაც პირადი მოხმარებისათვის საქართველოს საზღვარზე შემოტანა ან გატანა და არალეგალური ტრანზიტი 100 ლარამდე ჯარიმით ისჯებოდეს. ეს არის ღია კარი ნარკომანიის აფეთქებისკენ. ნარკოტიკების მომხმარებელი, რა თქმა უნდა, ჯანდაცვის სექტორში უნდა გადმოვიყვანოთ, მაგრამ ასევე უნდა არსებობდეს ბოლო ეტაპი, სადაც იქნება არანებაყოფლობითი მკურნალობის რეჟიმი და თუკი მომხმარებელი მკურნალობას ითხოვს, ამაში სახელმწიფო პროგრამებით ხელს ვუწყობთ, მაგრამ თუ ის საბოლოოდ უარს იტყვის მკურნალობაზე, არანებაყოფლობითი მკურნალობის რეჟიმზე უნდა გადავიდეს. იმ შემთხვევაში, თუ მომხმარებელი ამაზეც უარს იტყვის, ის საზოგადოებისგან იზოლირებული უნდა იყოს“, - განაცხადა დეპუტატმა.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს