„ევროპული იდეა მარცხდებოდა რუსთაველზე მაშინ, როდესაც არბევდნენ დემონსტრაციებს, აკავებდნენ და კლავდნენ ადამიანებს“, - ამის შესახებ ვიცე-პრემიერმა, საქართველოს საგარეო საქმეთა მინისტრმა მიხეილ ჯანელიძემ პარლამენტის ორი კომიტეტის გაერთიანებულ სხდომაზე, „ევროპული საქართველოს“ წევრის, სალომე სამადაშვილის რეპლიკის პასუხად განაცხადა, რომელმაც ხელისუფლება რუსთაველზე მიმდინარე აქციებისას გამოჩენილი კონტრაქციის წევრების იდეოლოგიისა და ქმედებების დაშვებისთვის გააკრიტიკა.

როგორც მინისტრმა აღნიშნა, კვირას დაცული იყო ყველა დემონსტრანტის უფლება და სახელმწიფო ასევე გააგრძლებს მომავალშიც.

„დღეს საქართველომ დემოკრატიული განვითარების მაღალი დონისა და მაღალი სტანდარტის მაგალითი აჩვენა. ამით ჩვენ გადავდგით კიდევ ერთი მნიშვნელოვანი ნაბიჯი ევროპული ინტეგრაციის გზაზე“, - განაცხადა მინისტრმა.

რაც შეეხება საკითხისადმი მიდგომას ჯანელიძე დარწმუნებულია, რომ საბოლოო ჯამში შემუშავდება ისეთი მიდგომები და პოლიტიკა, რომელიც მისაღები იქნება ფართო საზოგადოებისთვის და არა ერთი რომელიმე კონკრეტული ჯგუფისთვის.

აღსანიშნავია, რომ დღეს მიხეილ ჯანელიძემ საქართველოს პარლამენტში ევროინტეგრაციისა და საგარეო ურთიერთობათა კომიტეტის გაერთიანებულ სხდომაზე ევროკავშირში ინტეგრაციის საგზაო რუკის კონცეფცია წარადგინა. შეხვედრა კითხვა-პასუხის რეჟიმში წარიმართა, რა დროსაც საგარეო საქმეთა მინისტრმა საპარლამენტო უმრავლესობისა და უმცირესობის წევრების კითხვებს უპასუხა. 

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს