გახარიამ გვითხრა, რომ ის ვერ შეინარჩუნებდა მშვიდობიან კორდონს და შესაძლოა დარბევა გამხდარიყო საჭირო, – ამის შესახებ  „თეთრი ხმაურის მოძრაობის“ წევრმა  და „ჩვენი თავისუფლებისთვის“ აქციის ერთ-ერთმა ლიდერმა ბექა წიქარიშვილმა „TV პირველის“ ეთერში განაცხადა.

როგორც წიქარიშვილმა აღნიშნა, მისთვის დარბეული კონტრაქცია საკმაოდ მძიმე სანახავი იქნებოდა.

„ჩემთვის პირადად ეს საკმაოდ მძიმე სანახავი იქნებოდა. გარდა ამისა, ამ დარბევას შეიძლება კიდევ უფრო მეტი დაპირისპირება და ესკალაცია მოჰყოლოდა. ჩემთვის პირველი ამოცანა იყო ის, რომ დაგვეცვა როგორც ჩვენი აქციის მონაწილეების უსაფრთხოება, ასევე მე ვერანაირად ვერ ვიქნებოდი მათი დარბევის მომხრე, რადგან ჩვენი აქცია სწორედ დარბევის წინააღმდეგ დავიწყეთ. კონტრაქციის მონაწილე ადმიანების უმეტესობა შეცდომაშია შეყვანილი და მე მგონია, რომ მათთან კომუნიკაცია შესაძლებელია. მე ვარ ამ ქვეყნის მოქალაქე და გული შემტკივა. გული შემტკივა იმ მოცემულობაზე, რომელშიც დღეს ეს ქვეყანა იმყოფება”, – განაცხადა  ბექა წიქარიშილმა.

წიქარიშვილი ასევე გამოეხმაურა ამავე გადაცემაში “ქართული მარშის” ლიდერის, სანდრო ბრეგაძის განცხადებას ნარკოპოლიტიკასთან დაკავშიებით და აღნიშნა,  რომ კომიკურია ის ფაქტი, რომ  ბრეგაძის პოზიცია „თეთრი ხმაურის მოძრაობის“ მიერ ინიცირებულ რეფორმას ემთხვევა.

საუბარია ნარკოპოლიტიკაზე, რომელიც ნარკორეალიზატორების წინააღმდეგ ბრძოლას, ხოლო მომხმარებლების მიმართ ლიბერალურ მიდგომებსა და სერვისების მიწოდებას ითვალისწინებს.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს