ორივე მხარე თანხმდება იმაზე, რომ სახელმწიფო უნდა ებრძოლოს ნარკოტიკების რეალიზატორებს, - ამის შესახებ სახალხო დამცველმა ნინო ლომჯარიამ შინაგან საქმეთა მინისტრთან „თეთრი ხმაურის მოძრაობისა“ და არასამთავრობოების შეხვედრის დასრულების შემდეგ განაცხადა.

ომბუდსმენის თქმით, მან შესთავაზა აქციის ორგანიზატორებს ყველა საჩივარი, რომელიც პარასკევს მომხდარ სპეცოპერაციას უკავშირდება, სახალხო დამცველის აპარატში შეიტანონ.

„რაც შეეხება სამომავლო გეგმებს, შეთანხმდნენ ორ რამეზე. პირველ რიგში, შეიქმნება ორი სახის ჯგუფი. ერთი იმუშავებს კანონპროექტზე, რომელიც დაკავშირებული იქნება ნარკოპოლიტიკის რეფორმასთან და შესთავაზა სამინისტრომ რომ შეიქმნას ეს ჯგუფი. ასევე საუბარი იყო მომავალი დღეების განმავლობაში დაანონსებული აქციების უსაფრთხოების საკითხებზე, და ასევე საორგანიზაციო ჯგუფის შექმნისკენ იყო მოწოდება რომ მომავალი დღეების განმავლობაშიც იყოს უსაფრთხოება დაცული.

რაც შეეხება იმ ფაქტებს რაც დაკავშირებულია გარკვეული პირების განცხადებებთან რომ იყო გადამეტებული ძალა გამოყენებული პოლიციის მხრიდან. აქ ვფიქრობ, რომ სახალხო დამცველის როლი იქნება მნიშვნელოვანი და მე შევთავაზე ორგანიზატორებს რომ ყველა ის საჩივარი, რომელიც იყო შემოტანილი სახალხო დამცველთან, ჩვენ ყველა საჩივარს შევისწავლით“,- აღნიშნა ლომჯარიამ.

ლომჯარიას განცხადებით, შსს-მ გამოთქვა მზადყოფნა, რომ სახალხო დამცველის აპარატს სპეცოპერაციის მიმდინარეობისა და დაკავების ვიდეოკადრებს გადასცემს.

„შს მინისტრი მზად არის თითოეული საქმე იყოს შესწავლილი. დაისვა კითხვები სპეცოპერაციის ლეგიტიმურობასთან დაკავშირებით, რაზეც შს მინისტრმა განაცხადა, რომ სამართლებრივად მათ ჰქონდათ ლეგიტიმური უფლება, სასამართლოს განჩინება. მათი თქმით, ჰქონდათ ინფორმაცია, რომ იქ საღდებოდა ნარკოტიკი. მინისტრის თქმით, ამოღებულია მასალა და ექსპერტიზაზეა გადაგზავნილი", - განაცხადა ნინო ლომჯარიამ. 

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს