ძიუდოს ფედერაციის პრეზიდენტი, დავით ქევხიშვილი ნაკრების კაპიტნის ბრალდებას გამოეხმაურა, რომლის თანახმადაც, ძიუდოისტებს ჩემპიონატებზე სიარული საკუთარი ხარჯებით უწევთ.

ქევხიშვილი ამბობს, რომ შემთხვევა, რომელზეც ვარლამ ლიპარტელიანი საუბრობს, სიმართლეს არ შეესაბამება.

"თუ პაპინაშვილისთვის მოვითხოვეთ თანხა და მივიღეთ, რატომ არ მოვითხოვდით ლიპარტელიანისთვის? თუ პაპინაშვილმა შეძლო და მწვრთნელები იპოვნა, რატომ ვერ მოახერხა ეს ლიპარტელიანმა? 29-ში მიდიოდა ტურნირზე და 25-ში უკვე გვქონდა მოთხოვნილი თანხა, 29-ში ჩაირიცხა სასტუმროს თანხაც და 29-ში აიღო ხელზე ასაღებიც, არაერთხელ ვთხოვეთ რომ მოეტანა ბილეთი, რომ ჩვენ აგვენაზღაურებინა, არაერთხელ თხოვა ჩემმა ბუღალტერმა, რადგან ანგარიში უნდა გადაგვეგზავნა სამინისტროში, მაგრამ მან ეს არ გააკეთა. სრული პასუხისმგებლობით ვაცხადებ, რომ ნაკრების ყველა წევრი ევროპის და მსოფლიო ჩემპიონატებზე ფინანსდება ფედერაციის მხრიდან, რაც შეეხება სხვა ჩემპიონატებს, ყველა დაფინანსებას ბუნებრივია ფედერაცია ვერ გაწვდება", - აღნიშნა ქევხიშვილმა.

ქევხიშვილის განმარტებით, მისთვის გაუგებარია, თუ რატომ უნდა აიღოს მან პასუხისმგებლობა ევროპირველობაზე განცდილი კრახის გამო.

„მწვრთნელებს აქვს თავისი პასუხისმგებლობა და შესაბამისად ეს პასუხისმგებლობა დაკისრებულია. რა თქმა უნდა, მეც მაქვს გარკვეული პასუხიმგებლობა, მაგრამ ცხოვრებაში არის ისეთი მომენტები, როცა იგებ და აგებ. თუ კი მე ყველა პირობა მაქვს შექმნილი, რომ სპორტსმენი მოემზდოს ამ კონკრეტულ ნაწილში მე რატომ უნდა ავიღო პასუხისმგებლობა“,- აღნიშნა ქევხიშვილმა.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს