დეპუტატების-თამაზ მეჭიაურისა და ნოდარ ებანოიძის  ინიციატივა, რომელიც საფინანსო ზედამხედველობის სააგენტოს ეროვნული ბანკის შემადგენლობიდან გამოყოფას გულისხმობს,  პარლამენტის ბიუროს წარედგინა.ცვლილება  13 კანონში შედის.

როგორც ბიუროს სხდომაზე აღინიშნა, პაკეტში შემავალი ერთი კანონიდან გამომდინარე, საქმე ეხება ფასიანი ქაღალდების ბაზრის შესახებ საქართველოს კანონს. ამ პროექტით, ფასიანი ქაღალდების მარეგისტრირებელ ორგანოდ საფინანსო ზედამხედველობის სააგენტო სახელდება, ნაცვლად ეროვნული ბანკისა. ასეთ შემთხვევაში, საჭირო გახდებოდა სარეგისტრაციო მოსაკრებლის შესახებ საქართველოს კანონში ცვლილებების შეტანის აუცილებობა, სადაც დარჩენილია ნორმა, რომ ამ რეგისტრაციას ეროვნული ბანკი ახორციელებს.ინიციატორების მტკიცებით, ეს ფუნქცია კვლავ ეროვნულ ბანკს რჩება და სააგენტოსთვის ამ ფუნქციის გადაცემის აუცილებლობა არ დგას და საქმე ტექნიკურ ხარვეზთან გვაქვს.

შესაბამისად, ბიუროზე განმარტეს, რომ ვინაიდან ფასიანი ქაღალდების მარეგისტირებელ ორგანოდ როგორც დღეს არის, კვლავ ეროვნული ბანკი დარჩება, წარმოდგენილი კანონპროექტის დამატების აუცილებლობა აღარ იქნება.

კანონპროექტის განსახილველად წამყვან კომიტეტად საფინანსო- საბიუჯეტო კომიტეტი, სავალდებულო დასკვნისთვის კი, დარგობრივი და ეკონომიკიური პოლიტიკის კომიტეტი, იურიდიულ საკითხთა კომიტეტი და საპროცედურო საკითხთა და წესების კომიტეტი დასახელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები