ძიუდოს ეროვნული ნაკრების კაპიტანი ვარლამ ლიპარტელიანია ფედერაციის პრეზიდენტს დავით ქევხიშვილს გადადგომისკენ კიდევ ერთხელ მოუწოდებს.

როგორც ლიპარტელიანმა ძიდუსო ფედერაციის რიგგარეშე ყრილობის დატოვების შემდეგ ჟურნალისტებს განუცხადა, სპორტმენები ქევხიშვილისგან გონივრული გადაწყვეტილების მირებას ელოდებიან.

მისივე თქმით, ყრილობაზე სპორტსმენები არ შეუშვეს, მიუხედავად იმისა, რომ დასწრების უფლება ჰქონდათ. ლიპარტელიანმა განმარტა, რომ დელეგატებმა მათი პოზიცია მოისმინეს, თუმცა კითხვებზე პასუხი არ გასცეს.

"ადგილზე, რომ მივედით ვიცოდით, რომ დასწრების უფლება გვქონდა, თუმცა არ გვიშვებდნენ. ჩვენ ვეხვეწეთ და რამდეჯერმე თხოვნით მივმართეთ, რომ შევსულიყავით. ჩვენ არ გამოვდივართ პირადი ინტერესებიდან, ჩვენ გამოვდივართ ხალხის ინტერესებიდან. ეს ფედერაცია არ არის ერთი ადამიანის, ის არის ხალხის და ხალხის ფულით ფინანსდება. ჩვენ შევედით, დავაფიქსირეთ ჩვენი პოზიცია და ყველა იქ შეკრებილს ვთხოვეთ, რომ გონივრული გადაწყვეტილება მიიღონ. ქევხიშვილი უნდა გადადგეს და მის კაცურ საქციელს ველოდებით. ნუ გაწირავენ ქართულ ძიუდოს, ნუ მიიყვანენ სავალალო მდგომარეობამდე. ეს იყო ჩვენი თხოვნა, პასუხი არ მიგვიღია - გვითხრეს, რომ პასუხს ყრილობის ჩატარების შემდეგ გაგვცემენ. ვთხოვთ ყველას ვისაც ძიუდოზე გული შესტკივა და სიტყვის თქმა გეთქმით - ნუ დაგვღუპავთ და გულთან ახლოს მიიტანეთ ჩვენი პრობლემა. არანაირი ძალა ჩვენ არ გვმართავს, არანაირი პოლიტიკა არ გვმართავს - აქ სუფთა ხელებით მოვედით. დაუდექით ქართულ ძიუდოს გვერდში. სამომავლო გეგმებს ახლო მომავალში გაიგებთ", - განაცხადა ლიპარტელიანმა.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს