ეს არ იყო იმ მასშტაბის დაპირისპირება, რომ ივანიშვილი ამის გამო დაბრუნებულიყო, - ამის შესახებ პარლამენტის თავმჯდომარემ ირაკლი კობახიძემ გადაცემა "არჩევანში" განაცხადა.

როგორც კობახიძემ აღნიშნა, ბიძინა ივანიშვილის დაბრუნება რეფორმების ახალ ტალღას უკავშირდება. 

"კატასტროფა ნამდვილად არ მომხდარა. მიზეზი იყო გაცხადებული. მიზეზი იყო ის, რომ გვინდა, პარტია გადავიდეს განვითარების ახალ ეტაპზე. ეს უნდა იყოს პარტია, რომელიც აქტიურია არსებითად არამხოლოდ საარჩევნო პერიოდში, საშტაბო რეჟიმში, არამედ, რომელიც არის აქტიური არჩევნებიდან არჩევნებამდე და, რომელიც არის მუდმივად ჩართული პოლიტიკური პროცესის დაგეგმვაში და პოლიტიკური პროცესის მართვაში. ამ კუთხით ნამდვილად არ იყო აუცილებელი, თუმცა ბიძინა ივანიშვილის ფაქტორმა ძალიან დიდი როლი შეასრულა. როგორც კი გამოჩნდა ის პოლიტიკურ ცხოვრებაში, ამან გაამარტივა იმ სირთულეების მოგვარება, რომელიც იყო „ქართულ ოცნებაში“. თუმცა, კიდევ ერთხელ გავიმეორებ, რომ ამისთვის ბიძინა ივანიშვილის დაბრუნება აუცილებელი არ იყო. ამას შევძლებდით ჩვენ ასეთი ნაბიჯის გარეშეც. ბიძინა ივანიშვილის დაბრუნებას აქვს სხვა მიზანი. ბევრად უფრო მაღალი და ამბიციური მიზანი. ეს არის საბოლოოდ, „ქართული ოცნების“ ჩამოყალიბება ევროპული ტიპის პოლიტიკურ გაერთიანებად",- განაცხადა ირაკლი კობახიძემ. 

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს