პარლამენტის თავმჯდომარის ირაკლი კობახიძის ინფორმაციით, "ქართული ოცნება" სააპრეზიდენტო კანდიდატს ივლისში ან აგვისტოში წარადგენს. 

კობახიძის თქმით, მმართველ გუნდს საპრეზიდენტო კანდიდატი შერჩეული არ ჰყავს. 

"უახლოეს თვეებში უნდა გადავიდეთ საშტაბო რეჟიმზე. ჩვეულ რეჟიმში ჩამოყალიბდება შტაბი და ის დაიწყებს მუშაობას ზაფხულის მეორე ნახევარში. დავიწყებთ მომზადებას საპრეზიდენტო არჩევნებისთვის. კანიდატი დასახელებული ჯერ არ არის. რომც გვყავდეს კანდიდატი შერჩეული, თუმცა ჯერ არ გვყავს, მას საჯაროდ მაინც არ დავასახელებდით - ეს არის ტაქტიკური საკითხი. ივლისში-აგვისტოში დავასახელებთ და საიწყებო საპრეზიდენტო კამპანია", - განაცხადა კობახიძემ. 

კითხვაზე - შეიძლება თუ არა იყოს ბიძინა ივანიშვილი "ქართული ოცნების" საპრეზიდენტო კანდიდატი, კობახიძემ აღნიშნა, რომ ეს თავად ივანისვილის გადასაწყვეტია. 

"ბიძინა ივანიშვილი გახდება პარტიის თავმჯდომარე, შესაბამისად, ის იქნება უშუალოდ ჩართული პოლიტიკურ პროცესებში, ის იქნება პოლიტიკური საბჭოს თავმჯდომარე, ის უხელმძღვანელებს პოლიტიკური საბჭოს სხდომებს. საბოლოო ჯამში, ეს ყველაფერი მასზეა დამოკიდებული, თუმცა, ჩემთვის არის მისი პოზიცია ცნობილი და რამდენადაც ჩემთვის ცნობილია, მას არ აქვს საპრეზიდენტო არჩევნებში მონაწილეობის გეგმა,“ - განაცხადა ირაკლი კობახიძემ "არჩევანში". 

ავტორი: ,

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა