თბილისის საქალაქო სასამართლოში ხორავას ქუჩაზე მოზარდების მკვლელობის საქმის განხილვა მიმდინარეობს.

როგორც დაცვის მხარის ადვოკატმა ტარიალ კაკაბაძემ აღნიშნა, სასამართლოზე ჩვენება "ოქროს მოწმის" ძმამ ლუკა კალანდიამ მისცა. ადვოკატის ინფორმაციით, კალანდიამ სასამართლო პროცესზე აღნიშნა, რომ მის სახლში პროკურატურის ყოფილი მაღალჩინოსანი მირზა სუბელიანი იმყოფებოდა.

"უამრავ დეტალებთან დაკავშირებით მისი ჩვენება აბსოლუტურად განსხვავდებოდა მისი ოჯახის სხვა წევრების მიერ მიცემული ჩვენებისგან. მნიშვნელოვანია ერთი გარემოება - მირზა სუბელიანის, კონკრეტულ სახლში, კონფლიქტის შემდეგ უმოკლეს ვადაში ყოფნა დღევანდელმა მოწმემ დაადასტურა. ამას სხვა მოწმეები არ ადასტურებდნენ. აქედან გამომდინარე უკვე ნათელია თუ როგორ წარიმართა მოვლენები და თუ რატომ არ იქნა საქმე სამართლიანად გამოძიებული. სავარაუდოდ კონკრეტული პირების დავალებით და მათი ინტერესების გათვალისწინებით, საგამოძიებო ორგანომ არ დადო ის შედეგი რასაც საზოგადოება მოელოდა. ჩვენ ვნახეთ, რომ სასამართლოში ძალიან არასწორად გამოძიებული საქმე გაიგზავნა", - განაცხადა ადვოკატმა.

ხორავას ქუჩაზე მოკლული დავით სარალიძის მამის, ზაზა სარალიძის მტკიცებით, კალანდიას ოჯახი მათ სახლში პროკურატურის ყოფილი მაღალჩინოსნის ყოფნას უარყოფდა. სარალიძის განმარტებით, აღნიშნული ფაქტი მხოლოდ ლუკა კალანდიამ დაადასტურა, თუმცა სასამართლო პროცესზე მას სხვა დეტალებზე არ უსაუბრია.

"მთავარი დეტალი იყო, რომ ლუკა კალანდიამ დაადასტურა, მიხეილ კალანდიას და კიდევ ერთი მსჯავრდებულის ყოფნა მათ სახლში. მისივე თქმით, სახლში ასევე იმყოფებოდა მირზა სუბელიანი, თუმცა მოწმეს არ უთქვამს რამდენად ეკონტაქტებოდა სუბელიანი ბავშვებს. სხვა დეტალებზე მას არ უსაუბრია, რადგან მისი მტკიცებით, სახლი მალევე დატოვა. ამასთან მიხეილ კალანდიამ და მამამისმა სუბელიანის სახლში ყოფნა მანამდე არ დაადასტურეს", - განაცხადა ზაზა სარალიძემ.

საქმეში ახალი გარემოების დადგენა პროკურორმა ზვიად ფხაკაძემაც დაადასტურა. ფხაკაძის თქმით, მოწმემ განაცხადა, რომ კონფლიქტის შემდეგ მირზა სუბელიანი მის სახლში იყოფებოდა.

"თუმცა სუბელიანს, მისი განცხადებით არ ჰქონია ინფორმაცია, რომ ცოტა ხნით ადრე ხორავაზე ინციდენტი მოხდა", - დასძინა პროკურორმა.

ავტორი: ,

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა