იურიდიულ საკითხთა კომიტეტის თავმჯდომარე ეკა ბესელია მიიჩნევს, რომ ნარკოპოლიტიკის რეფორმა მარტივად გადასაწყვეტი არ არის.

ამასთან, როგორც ბესელიამ ბიუროს სხდომაზე განაცხადა, ნარკოპოლიტიკის თემაზე კანონპროექტის განხილვის ვადის გადაწევამ, შთაბეჭდილება არ უნდა შექმნას, რომ ამ პერიოდში არაფერი გაკეთდება.

მისივე თქმით 

"არაფერი წინ არ უდგას ამ სხდომის გახსნას. იმედი მაქვს, მეტი ვადის გაგრძელება არ დაგვჭირდება. ასევე გავაგრძელებთ მუშაობას იმისთვის, რომ მივიდეთ საბოლოო კონსესუსამდე. მესმის, ეს ურთულესი საკითხია, ნარკოპოლიტიკის რეფორმა მარტივად გადასაწყვეტი არ არის. არსებობს სხვადასხვა მოსაზრება, მაგრამ პრინციპულ და მთავარ საკითხებზე ჩვენ მოვახერხეთ შეჯერება, რომ ხელისუფლებას არ აქვს რეპრესიული პოლიტიკა მომხმარებლების მიმართ და არის შეურიგებელი ნარკორეალიზატორების მიმართ. უნდა ვიმუშაოთ ყოველდღიურ რეჟიმში, რომ ეს პოზიციები შევაჯეროთ. მუდმივად მიმდინარეობს მუშაობა მთავრობასა და პარლამენტს შორის, ეს ხდება უწყებათაშორისი საბჭოს ფარგლებში. ასევე მუდმივი შიდა კონსულტაციებიც მიმდინარეობს იმისთვის, რომ ვიდრე მთავარი სხდომა დაინიშნება, იქამდე პოზიციების ჩამოყალიბება მოხდეს. გავაგრძელებთ მუშაობას რათა მივიდეთ საბოლოო კონსესუსამდე", - განაცხადა დეპუტატმა.

ცნობისთვის, საქართველოს პარლამენტის ბიუროს გადაწყვეტილებით, ნარკოპოლიტიკის ლიბერალიზაციის თაობაზე ინიცირებული საკანონმდებლო პაკეტის განხილვის ვადა ერთი თვით გადაიწია. ვადის ერთი თვით გადაწევის საკითხი ბიუროს სხდომაზე პარლამენტის ვიცე-სპიკერმა გია ვოლსკიმ დააყენა.

შეგახსენებთ, რომ ბოლო რამდენიმე დღის განმავლობაში, სავარაუდოდ ნორკოტიკული ინტოქსიკაციის გამო 4 ადამიანი გარდაიცვალა. მათ სავარაუდოდ კლუბური ნარკოტიკი "მეთოდრონი" მიიღეს. მომხდართან დაკავშირებით გამოძიება სსკ-ის 115 მუხლით მიმდინარეობს, რაც თვითმკვლელობამდე მიყვანას გულისხმობს.

ავტორი: ,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს