ჩვენ ვიდგებით სამართლიანობის მხარეს და ფეხზე გვკიდია ყველა კანონი, რომელიც უსამართლოა, - ამის შესახებ „გირჩის“ლიდერმა ზურაბ ჯაფარიძემ „TV პირველის“ ეთერში განაცხადა.

როგორც ჯაფარიძემ აღნიშნა, დღეს იგი განყოფილებაში დაიბარეს და ადმინისტრაციულ სამართალდარღვევათა კოდექსის ორი მუხლით (წვრილმანი ხულიგნობა და პოლიციისთვის წინააღმდეგობის გაწევა) ბრალი წარუდგინეს.

„დღეს დილით დამირეკეს და მთხოვეს პოლიციაში გამოვცხადებულიყავი, გამაცნეს ადმინისტრაციული ბრალის ოქმი, სადაც წერია რომ მეც იგივე ქმედებაში ვარ ბრალდებული, რაშიც იაგო ხვიჩია და ვახტანგ მეგრელიშვილი, ეს არის დაუმორჩილებლობა პოლიციისადმი და ეს არის წვრილმანი ხულიგნობა. სავარაუდოდ სამივე ჩვენგანის სასამართლო სხდომა გაიმართება ერთად“, – განაცხადა ჯაფარიძემ.

მან გუშინ განვითარებულ მოვლენებზე ისაუბრა და აღნიშნა, რომ უსამართლობაა, როდესაც ადამიანებს ნარკოტიკული ნივთიერების მოხმარების გამო აკავებენ. მისივე თქმით, ჩნდება ეჭვი, რომ მომხდარი შესაძლოა, პარტიის საქმიანობას უკავშირდებოდეს.

„არანაირი ხულიგნობა არ ყოფილა. ჩვენ არ ვართ ის ხალხი, ვინც ქუჩაში დარბის და ხალხს შეურაცხყოფას აყენებს. ერთ ჩვეულებრივ მოქალაქეს, რომელიც სამსახურში მიდიოდა, დაახტა თავზე ექვსი სამოქალაქო ფორმაში ჩაცმული ადამიანი და აფორთხიალეს ასფალტზე. ჩვენ ეს ადამიანი დავიცავით და ეს არის ჩვენი მხრიდან გაცხადებული პოლიტიკური ბრძოლის ნაწილი. ჩვენ გვინდა, რომ ადამიანებს ამ ქვეყანაში აღარ აკავებდნენ და ნარკოტიკული ნივთიერების მოხმარების გამო მოსაშარდად არ მიჰყავდეთ, მით უმეტეს, ამ პირს ესეც არ დაუდასტურდა. კანონიერი იყო ჰოლოკოსტიც და აპერტეიდიც, ამიტომ კანონიერი რადგან არის, არ ნიშნავს, რომ სამართლიანია“, - აღნიშნა ჯაფარიძემ.

შეგახსენებთ, გუშინ სამართალდამცველებმა „გირჩის“ ლიდერები იაგო ხვიჩია და ვახო მეგრელიშვილი დააკავეს. როგორც „ექსპრესნიუსს“ შსს-ს პრესსამსახურში განუცხადეს, მათი დაკავება წვრილმანი ხულიგნობისა და პოლიციისადმი დაუმორჩილებლობის ბრალდებით მოხდა.

ავტორი: ,

სოციალური ქსელები

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს

BOG-ის მობილბანკის მორიგი განახლება - ახალი შესაძლებლობები მომხმარებლებისთვის