„გირჩის“ ლიდერის ზურაბ ჯაფარიძის განცხადებით, პარტიის წევრები იაგო ხვიჩია და ვახო მეგრელიშვილი წინასწარი დაკავების იზოლატორში არიან გადაყვანილი.

როგორც ჯაფარიძემ „ექსპრესნიუსს“ განუცხადა, პარტიის წევრები დიღომში, იზოლატორთან მისვლას გეგმავენ.

„სამოქალაქო ფორმაში ჩაცმულმა ექვსმა პირმა გადაწყვიტა, რომ მოქალაქე ნარკოტიკული ზემოქმედების ქვეშ იმყფებოდა და ის ნარკოტესტირებაზე უნდა გადაეყვანათ. აღნიშნულ ფაქტს შევესწარით „გირჩის“ წევრები, რადგან ეს ჩვენი ოფისის მიმდებარე ტერიტორიაზე მოხდა. როდესაც პარტიის წევრები სამართალდამცველებთან მივიდნენ და მოქალაქის დახმარება ისურვეს, რეალურად გამოვიდა ისე, რომ სამოქალაქო ფორმაში ჩაცმულმა სამართალდამცველებმა იმ საწყალი მოქალაქეც და ჩვენი პარტიის ლიდერებიც დააკავეს. შემდგომში გაირკვა, რომ მოქალაქე, რომელსაც ნარკოტიკული ნივითიერების ზემოქმედების ქვეშ ყოფნას ედავებოდნენ, ფხიზელ მდგომარეობაში იყო. იაგო ხვიჩიას და ვახო მეგრელიშვილს წვრილმან ხულიგნობასა და სამართალდამცველებისადმი წინააღმდეგობის გაწევას ედავებიან. ეს აფსურდია. თურმე ჩვენ ვართ ხულიგნები იმის გამო, რომ მოქალაქის დახმარება ვისურვეთ. ბოლო ინფორმაცია რაც გვაქვს, პარტიის ლიდერები გადაყვანილები არიან დიღმის წინასწარი დაკავების იზოლატორში. ამ ეტაპზე პარტიის წევრები ოფისში ვიმყოფებით და სამოქმედო გეგმას განვიხილავთ. როგორც კი გეგმა განხილული იქნება, ჩამოვყალიბდებით. იზოლატორთან მისვლას ვაპირებთ“, - განაცხადა ზურაბ ჯაფარიძემ.

ავტორი: ,

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა