„კეთილი ინებოს, ჩამოვიდეს თავისი კაბინეტიდან, რომელიც გააჩნია ამ პარლამენტში, დაჯდეს, დაიცვას კანონი და პატივი სცეს საზოგადოებას“, - ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ პრეზიდენტის მიერ სხდომათა დარბაზის დატოვებასთან დაკავშირებით განაცხადა.

მისი თქმით, ყველა პრეზიდენტს, რომელიც „იმ მოჯადოებულ სასახლეში“ შევიდა, მოუნდა, რომ პარლამენტმა და საზოგადოებამ მის ხუშტურებზე იაროს.

„პრობლემა, იცით, რა მგონია? სერიოზულად რომ ვლაპარაკობთ ახლა ამ ყველაფერზე. კაცს ჰქონდა საათი და მეტიც შეეძლო ელაპარაკა და გამოიყენა 23 წუთი და ილაპარაკა არაფერზე. ვერ გაიგო ვერავინ, რაზე ილაპარაკა. ზუსტად იცოდა, რა აქცენტები დაისმებოდა და არცერთ კითხვაზე, რაც საზოგადოებას აწუხებს, პასუხები არ გასცა. ოპოზიცია გვთავაზობს დამატებით, რომ რადგან მცირედი გამონაკლისი დავუშვით და ბოლოში ჰქონდა პასუხის საშუალება მისივე სასარგებლოდ, ახლა საერთოდ გადავდოთ რეგლამენტი გვერდით და მის ხუშტურებზე ვიაროთ. ეს ყველაფერი იმიტომ, რომ იმ მოჯადოებულ სასახლეში ვინც შევიდა, ყველას მოუნდა, რომ მის ხუშტურებზე იაროს ყველამ - პარლამენტმაც და საზოგადოებამაც. ვერ გამოვიდნენ ამ მოჯადოებული წრიდან. კეთილი ინებოს, ჩამოვიდეს თავისი კაბინეტიდან, რომელიც გააჩნია ამ პარლამენტში, დაჯდეს, დაიცვას კანონი, პატივი სცეს საზოგადოებას, მაგრამ ეს არ გამოუვიდა ამ წლების განმავლობაში და დღეს შეიძლება ვერ მოახერხოს. ჩვენ მის ხუშტურებზე ნუ ვივლით“, - განაცხადა მდინარაძემ.

 ცნობისთვის, პარლამენტში მიმდინარე დებატების დროს, გიორგი მარგველაშვილს რამდენიმე დეპუტატისთვის პასუხის გაცემა სურდა, თუმცა მას ამის საშუალება პარლამენტის თავმჯდომარემ არ მისცა. ირაკლი კობახიძემ განმარტა, რომ პრეზიდენტს პასუხების გაცემა დასკვნით სიტყვაში შეუძლია და სხვა შემთხვევაში რეგლამენტის დარღვევა მოხდებოდა. ამის შემდეგ, პრეზიდენტმა რეგლამენტის შეცვლა მოითხოვა და მანამდე სხდომათა დარბაზი დატოვა.

ავტორი: ,

სოციალური ქსელები

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს

BOG-ის მობილბანკის მორიგი განახლება - ახალი შესაძლებლობები მომხმარებლებისთვის

რუსთაველზე ამობრუნებულ თვითმცლელში ბავშვი იმყოფებოდა - მიმდინარეობს მოკვლევა