სპეციალური პროკურორი რობერტ მუელერი აშშ-ს პრეზიდენტს, დონალდ ტრამპს სასამართლოში დაკითხვაზე დაბარებით დაემუქრა იმ შემთხვევაში, თუ მის კითხვებზე პასუხის გაცემაზე უარს იტყვის.

BBC-ის ცნობით, მიულერის თქმით, სასამართლო უწყება ტრამპს აიძულებს შეხვდეს გამომძიებლებს. 

მედიის ცნობით, ტრამპის იურისტებმა მუელერს განუცხადეს, რომ ოფიციალურად პრეზიდენტი ვალდებული არ არის საგანგებო პროკურორის კითხვებს უპასუხოს. მუელერმა მათთან საუბარში განაცხადა, რომ ტრამპი შეიძლება სასამართლოში დაიბარონ და ამ შემთხვევაში ნაფიც მსაჯულთა გაფართოვებული შემადგენლობის წინაშე მოუწევს წარდგომა. 
მედიის ინფორმაციით, ეს საუბარი მარტში შედგა.

მოგვიანებით ცნობილი გახდა, რომ მუელერმა ტრამპის ადვოკატებს  40-ზე მეტი კითხვისგან შემდგარი სია გადასცა,  რომელმაც შეიძლება პრეზიდენტი მძიმე მდგომარეობაში ჩააგდოს.

შეგახსენებთ, რომ 2016 წლის დეკემბერში, აშშ-ის სპეცსამსახურებმა მოამზადეს სპეციალური ანგარიში ამერიკულ არჩევნებში რუსეთის ჩარევის შესახებ. რის შემდეგაც, კონგრესის სამმა კომიტეტმა და სპეციალურმა პროკურორმა, FBI-ის ყოფილმა დირექტორმა რობერტ მიულერმა საქმის გამოძიება დაიწყეს.

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება